بالفيديو.. سعيد حساسين لـ محمد منير: جتكم البلاوي مليتوا البلد
هاجم الإعلامى سعيد حساسين الفنان محمد منير، بسبب عدم إلغاؤه لحفله الذي أقيم مساء أمس باستاد الهوكي، على الرغم من الحداد الذي أعلنته مصر بعد سقوط الطائرة المصرية، و وفاة العشرات من المصريين.
وقال "حساسين" في برنامجه المذاع
عبر شاشة "العاصمة": "لو انت متعاقد على الحفلة بقالك شهر ولا
اتنين الغيها وبلاها المية الف جنيه.. الدول عاملة حداد على الرغم من ان مات منها
واحد وراعى شعور الناس اللى مش قادرين يشوفوا الشارع بعينيهم والناس اللى اتيتمت
والناس اللى عيالها ماتت راعى مشاعرهم وانت رايح تعملى حفلة".
وتابع في هجومه: "ارحموا امنا طهقتونا
فى عيشتنا خلاص مبقاش في عندكم.. النهاردة نص شعبان كل سنة وحضرتك طيب كنت صليتلك
ركعتين احسن من كل ده ومن الغريب ان منير اوقف تصوير المسلسل علشان الحفلة طول
محنا معندناش احترام لبعض طول محنا مش هنتقدم ومفيش حاجة اسمها تقدير للحالة
النفسية للمصرين".
وأضاف: "أنا كنت بحبك وبحترمك بس خلاص
وهتطلع تقول دقيقة حداد تعبتوا اعصابنا جتكم البلاوى مليتوا البلد".
