عزيز الشافعي يرد على انتقادات عمرو مصطفى

قام الملحن عزيز الشافعي، بالرد على انتقادات الملحن عمرو مصطفى،  والتي وجهها الأخير إلى كل من يتعامل مع الهضبة عمرو دياب، من الملحنين.

وقال "عزيز" خلال برنامج et" بالعربي" أنه لايلتفت إلى أي شيء لايوجد له محتوى، وأنه يجب على كل من له علاقة بالوسط الفني أن يرتقي بعمله ويطور من نفسه.

واضاف" الشافعي" قائلا: "أنا بشتغل وبجتهد أن لما أمشي أسيب حاجة كويسة، ومسيبش حاجة مسيئة ولا ليا ولا لزملائي، بحب اشتغل واحب اجتهد دايمًا وأطور من نفسي، ومش راضي عن أي مستوى أو أي حاجة بوصل لها، وأنا مش عايز أتكلم على حد ومبشوفش حد.. أنا بتكلم عن شغلي وعن المزيكا بتاعتي فقط.

على جانب آخر، قال الملحن عمرو مصطفى، في تصريحات سابقة أنه لايوجد أي دور من قبل الهضبة عمرو دياب، في تقديمه للجمهور..

وقال: «الشاعر عادل عمر والفنان الراحل عامر منيب هما من قدماني للجمهور، وقبل عادل وعامر، ربنا سبحانه وتعالى ومجهودي»، مشددا على أنه منح ألحانه للكثير من المطربين في الوطن العربي على مدار السنوات الماضية، وقال: "كلهم زي بعض أنا دلوقتي بحب عمرو مصطفى بس، مفيش حد مهم، مزيكتي هي اللي مهمة".

وفي نفس السياق، قال: "مفيش عشرة، ده ماجاش عزاني في أمي، مش عايز حد يتكلم عن الموضوع ده أصلا، لأن عندي ردود هاتزعل، ومش عايز أجيب الاسم أصلا، خسارة".

وأردف " مصطفى": "محدش غالي عليا، الغالية عليا راحت وهي أمي، عشان بعد وفاتها حبيت نفسي بس، ودي كانت نصيحتها ومكنتش بسمع كلامها".