20 أغسطس.. شيرين عبد الوهاب تحي حفلا غنائيا
موعد أولى حفلات شيرين بعد أزمة تصريحاتها الأخيرة ضد حسام حبيب
تحيي المطربة شيرين عبد الوهاب، لإحياء حفلا غنائيا، من المقرر إقامتها في تونس يوم السبت 20 أغسطس، وذلك على هامش ختام الدورة الـ 56 من فعاليات مهرجان قرطاج الدولي.
أغاني شيرين خلال الحفل
وتقدم شيرين عبد الوهاب مجموعة من أغانيها المميزة ومنها "كدابين، كلها غيرانة بتحسد، خاصمت النوم، القماص، جرح تاني".
ومن جانب أخر صرحت شيرين عبد الوهاب عن علاقتها بزوجها المطرب حسام حبيب وذلك في برنامج "كلمة أخيرة" الذي تقدمة الإعلامية لميس الحديدي، قائلة "عاوزة أستغفر ربنا على الكذب اللى كذبته عشان أخلى صورة إنسان تبقى كويسة، وأنا كذبت ودى أكتر حاجة ربنا مبيحبهاش.. حسام حبيب ضربني وسحلني على الأرض وهو اللي حلق لي شعري"، وأنا من القلعة وممكن أروح أهد عليهم العمارة اللى قاعدين فيها، وأنا عاوزة حقي منه".
تصريحات نارية ضد حسام حبيب
وسألتها لميس الحديدى عمّا كذبت بشأنه لتعلق الفنانة: "كدبت فى حاجات كتيرة أوى لأنى بنت أصول وكنت عاوزة أرفع صورة إنسان ممكن يروح فى يوم من الأيام يتجوز من عيلة تانية، ولو كنت قلت كلام وحش وقتها مكانش هيعرف يتجوز، وأنا نفسى يتجوز ويبعد عنى وأخلص منه".
وأكملت حديثها مضيفا "أنا ست قاعدة فى أمان الله مع بناتى، بقالنا 4 سنوات شايفين الويل، سافرنا الساحل وقلنا نقعد أربع أو خمس أيام ونرجع مبسوطين وتتحسن نفسية البنات ونفسيتى، ومكناش بنخرج ومكناش عايشين تقريبًا والبنات ماكانوش بيعرفوا يقعدوا معايا، لأنى كنت عايشة مع زوج مش بيشتغل تقريبًا، وكنت محبوسة 24 ساعة فى أوضة نومى مش بعمل حاجة، قاعدة بس، وأنا غلطت فى حق نفسى، وكنت فاكرة إنى بحافظ على بيتى لكنى اكتشفت إنه ماكنش بيت، كانت عيشة فئران أو مصيدة أنا كنت زى الفار اللى بيدخل المصيدة ياكل حتة جبنة".