هل ستتزوج سحر رامي مرة أخرى بعد وفاة حسين الأمام؟ الفنانة ترد

حرصت الفنانة سحر رامي، الرد على سؤال الإعلامية ياسمين عز، بشأن إمكانية زواجها بعد رحيل زوجها الفنان حسين الإمام، وذلك خلال حوارها في برنامج "كلام الناس" الذي يتم عرضه على قناة MBC مصر.

وقالت سحر رامي "السؤال مش وارد، زي ما قلت قبل كده، أنا اتجوزت حسين الإمام، ولما هموت أو همشي هكون حرم حسين الإمام".

سحر رامي: الموضوع مش وارد خالص

وأكملت حديثها قائلة: "الموضوع مش وارد خالص، مش موجود، أنا ما زلت متجوزة حسين الإمام، معتبرة نفسي لسه متجوزة".

وأشارت "رامي" إلى أنها تفتقد بشدة زوجها الراحل، لافتًا إلى أنها تشعر حتى الآن إلى أنه لم يمت أو رحل وسيعود مرة أخرى.

سحر رامي تكشف التفاصيل الأخيرة في حياة حسين الإمام

ومن ناحية أخري، تحدثت سحر رامي عن تفاصيل اللحظات الأخيرة لزوجها الفنان حسين الأمام قائلة: “حسين الإمام مات في حضني، كنا في البيت يوم عيد ميلادي نحو الساعة 6.30 مساءً، والجو كان حر، هو طلع الحمام واتأخر، فطلعت أشوفه اتأخر ليه، ليكون بياخد دش وسابني أنا والضيوف، أو يمكن يكون اتحبس في الحمام لأن عندنا مشكلة في أوكرة الحمام".

سحر رامي: حسين الإمام راح في أقل من 5 دقايق

وتابعت: "ناديت عليه قالي افتحي لي عشان مش قادر أخد نفسي، وقع عليا على السرير، في لحظة، أنا كنت مش عارفة إيه اللي بيحصل، في خلال 5 دقايق راح أقل من 5 دقايق، أنا كنت منهارة، وأصحابي طلعوا لي من تحت، لكن مقدرناش نعمل حاجة".

سحر رامي: الدكتور قالي جلطة مفاجأة في الشريان التاجي

و أضافت: "حسين مكنش بيعاني من أي أمراض، التشخيص الدكتور قالي جلطة مفاجأة في الشريان التاجي، ومش بتتلحق غير بحقنة الأدرينالين بتتاخد في القلب، وفي خلال 10 دقائق، مكنتش ممكن تتلحق، ولو اتلحقت بتعمل أثار جانبية زي الشلل أو العمى، وإحنا كنا في بيتنا على الطريق الصحراوي، والحالات دي عشان تتلحق لازميكون هو أصلًا في المستشفى".