سحر رامي: انا بعيدة عن موضوع الحجاب.. ولغيت الاحتفال بعيد ميلادي بعد وفاة حسين الإمام

حلت الفنانة سحر رامي ضيفة في برنامج "كلام الناس" الذي تقدمة الإعلامية  ياسمين عز، الذي تم عرضة علي قناة MBC مصر.

سحر رامي: لما حد بيقولي إنتي مش بتشتغلي ليه؟! بيكون معنديش رد

وعلقت سحر رامي، على قلة أعمالها الفنية خلال السنوات الماضية، قائلة: "الجمهور مش عارف إيه اللي في المطبخ، لما يحد بيقابلني بيقولي إنتي فين؟ مش بتشتغلي ليه؟ إنتي خلاص مش عايزة تشتغلي؟ بيكون معنديش رد، وكأن الواحد هو اللي بيشغل نفسه، الموضوع مش كده، الموضوع ميديا وحاجات تانية".

سحر رامي: أنا بعيدة خالص عن شائعة الحجاب

وعن شائعة ارتداءها الحجاب واعتزالها، قالت: "الإشاعة دي موصلتنيش، لأني بعيدة خالص عن شائعة الحجاب، معنديش مقدمات أو حاجات تقول إني ممكن أعمل كده، يمكن اتقالت بس أنا مسمعتش".

وأكملت حديثها قائلة: «أنا بعيدة خالص عن الموضوع ده، أنا بعيدة عن إشاعة زي دي، لأني معنديش مرة قلت مش هتباس أو إني مش بلبس قصير أو مبعملش أدوار إغراء، دي كلها بتكون تمهيد إن الشخص عنده ميول متحفظة».

سحر رامي: لو في أدوار مش هتناسبني معملهاش

وأضافت سحر رامي: «أنا طبيعية وعادية، لو في أدوار مش هتناسبني معملهاش، بس مش بحط في الموضوع أسباب دينية أو أسباب أخلاقية، أنا معنديش مانع أي حد يعمل أي حاجة، هو حر في اختياره».

ومن ناحية أخري، تحدثت سحر رامي عن إحتفالة بعيد ميلادها بالنهار وربما تكون جميع الاحتفالات التي تقوم بها تكون نهارا، مشيرة إلى أنها لا تحب السهر.

وتابعت: أن زوجها حسين الإمام احتفل بآخر عيد ميلاد لها قبل وفاته وجاء من لبنان مخصوصا حتي يشاركها هذه المناسبة الهامة لها.

سحر رامي: أنا لغيت الاحتفال بعيد ميلادي خالص

وأضافت سحر رامي أنها من بعد وفاة زوجها لم تحتفل بعيد ميلادها مرة أخرى، قائلة: "أنا لغيت الاحتفال بعيد ميلادي خالص.. كإني متولدتش ومجتش".