بعد تصدرها التريند بشأن تصريحاتها مؤخرًا.. دومينيك حوراني لـ"الفجر الفنى: "الراجل بطبعه خاين مش بس المصري"
تصدرت النجمة اللبنانية دومينيك حوراني، تريند جوجل أمس وذلك بعد حلولها ضيفة على الإعلامية مروة صبري في برنامجها "قعدة ستات"، المذاع على شاشة القاهرة اليوم، حيث أدلت خلال اللقاء بعدد كبير من التصريحات التى تصدرت لاحقًا التريند على مواقع السوشيال ميديا أبرزها: "الراجل المصري كلامه حلو ومن أحلى الرجالة اللي في العالم".
وأعربت دومينيك حوراني في تصريح خاص لـ الفجر الفنى عن سعادتها بردود أفعال الجمهور بعد تصريحاتها قائلة: "مبسوطة جدا إن الناس حبت اللي انا قولته أنا قولته بعفوية أنا بحب الراجل المصري، لأنه بيحب يدى معنويات وطاقة للست وعنده رجولة ونخوة وطول الوقت مسئول عن الست أنا عارفة معظم جنسيات العالم وطول الوقت يقارن بحكم اطلاعي على السيكولوجية، مصر أحسن شعب بيقدروا ويساعدوا ويقدروا تصرفاتك معاهم والراجل المصري سند كبير.
دومينيك حوراني: “بقول للبنات لما تشوفوا جنسيات تانية هتعرفوا قيمة شباب بلدكم”
كما كشفت عن نصيحتها للفتيات اللاتي لا يقتنعن بهذا الرأي قائلة: "جالي كتير رسايل مبسوطة من رأيي ولكن ستات اضايقت وصحاب ليا قالولي لا قلتلهم لما تجربوا الجنسيات التانية هتعرفوا قيمة شباب بلدكم.
دومينيك حوراني: الخيانة موجودة في كل الرجالة
وتابعت: "طبيعة الخيانة موجودة في كل الرجالة مش الراجل المصري بس لأن مفيش راجل مبسوط مع مراته هيخون بالعكس الراجل المصري لما بيحب بيحافظ على اللي معاه عشان معندوش الحرية اللي موجودة برا ومبيعملوش علاقات ما قبل الزواج".
ومن التصريحات إلى كشفتها دومينيك خلال الحلقة وتفاعل معها الكثير:
-أنا مسيطرة في كل مكان مش بس في البيت ومحبّش اللي يحكمني.
-الرجّالة والممثلين اللي بغيروا منّي الله يوفقهم ويبعد شرهم عني.. ولو أنت واثق بنفسك مثّل حلو ومش هخطف حاجة منّك.
نصيحة للراجل البخيل: أكيد مراتك هتخونك.
- الرجالة ما يستاهلوا لا تبني معاهم طوبة ولا طوبتين.
- لو حتستحمليه بالفقر وحتصرفي عليه، حياخد الفلوس منك ويصرفها على وحدة تانية.
لمّا انت بتخون محدّش هيحترمك في المجتمع.
- في العاصفة لو فضلت كل النباتات واقفة وما تحرّكتش هتنكسر.
- في رجالة بتحب تغسل رجلين الست.
وتفاعل عدد كبير من الجمهور مع تصريحات دومينيك، ومنهم من وصفها بالتصريحات الجريئة والمثيرة والحقيقة التى تتواجد بالفعل على أرض الواقع.
