رامي جمال يمازح جمهوره ويطرح استفتاء لتحديد نوع الأغنية المقبلة

مازح الفنان رامي جمال جمهوره من خلال نشر صورة عبر حسابه الشخصي على موقع "انستجرام" يحاول من خلالها معرفة أهوائهم لـ نوع الاغنية القادمة سواء إن كانت درامية أو رومانسية أو حزينة فعلق على الصورة قائلًا: "عايزين الأغنية الجاية حب ولا دراما ولا حزينة ولا فرفشة الصيف وكدة، أقل من الف إجابة هختار أنا وأكتر من الألف اختياركم إلى هيتنفذ" وحصدت الصورة حتى الآن 300 تعليق عقب نشر المنشور بـ نصف ساعة تقريبًا وكان من أبرز المعلقين الفنان أحمد بتشان. 

أغنية لحظة بعادك سبب عودة زوج لزوجته

تعتبر أغنية "لحظة بعادك" هي أبرز رامي جمال المؤثرة في الجمهور وهي من كلمات الشاعر حسام سعيد، ألحان محمود أنور، توزيع محمد مجدي وتعتبر هذة الأغنية أولى أغاني ألبومه الجديد الذي يتم طرحه فى موسم الصيف.

وفي سياق متصل، شارك الفنان رامي جمال جمهوره  عبر حساباته على مواقع التواصل الاجتماعي رسالة استقبلها من أحد أصدقائه عقب طرح الأغنية كشف فيها عن عودته إلى زوجته بعد 3 سنوات من الانفصال بفضل كلمات الأغنية وعلق رامي على هذا الموقف المؤثر قائلًا: "امبارح قبل ما أنام جات لي الرسالة دي وفرحتني جدا، وعاوز أقول حاجه من واقع حياتنا، الدنيا متعاشة مرة واحدة، متفرطوش في اللي بتحبوهم بسهولة، احنا للأسف جيل بيشوف الانفصال والطلاق سهل، رغم أننا اتربينا في بيوت كان بيحصل فيها مشاكل أكيد" 

وأردف: "لكن كان أهالينا متمسكين أن البيوت دي ما تتهدش بسهولة، مشاكل الحياة كتير لكن متخلوش الأفلام والمسلسلات وحكاوي الناس تخليكم تطلبوا أو تستنوا من اللي بتحبوهم كل حاجة، وما تعلوش سقف توقعاتكم، احنا اتعلمنا أن البيوت تتهد على العرض والكرامة فقط، لكن خلافات الدنيا العادية لا ما تفتكروش، أن في حد حياته كاملة زي ما بتشوفوها على انستجرام والمسلسلات والأفلام، لو كل واحد وواحدة اتهيالهم أن الانفصال هيخليكم بكرة تعيشوا بحرية، وتلاقوا فرص وشركاء أحسن هتضيعوا من أيديكم"

وأضاف: "ناس احتمال كبير ما تتعوضش، أخيرا احنا عايشين مرة واحدة فسامحوا وحبوا وفوتوا لبعض، وامسكوا في حبايبكم، وأخيرا محدش عايش حياتك فأنت لو بتحكي لحد عن مشكلتك مع شريكك، خليك واثق أن رأيه وحياته مش قاعدة لازم تكون صح، أخيرا ايه رأيكم في أعنية لحظه بعادك".

كلمات الأغنية

وفات سنين وفينا مين حبيبي
من البعد استفاد
مش مرتاحين ونجيب منين
حبيبي صبر ع البعاد
وادي الليالي ماشية تسحب بعضها
ع الفاضي بيروح عمري مني
واعمل إيه لحظة بعادك دنيتي من بعدها
دنيا مملة واللي ابات فيه أصحى فيه
ينفع بقى نفضل كدة
والوضع دا ليه نرضى بيه 
وادي الليالي ماشية تسحب بعضها
ع الفاضي بيروح عمري مني

آخر أعمال رامي جمال 

تعتبر أغنية كلمة سلام هي آخر أعمال رامي جمال لأغنية من ألحان رامي جمال، وإنتاج شركته الخاصة، وهي من كلمات محمد جمعة، وتوزيع إلهامي دهيمة، وأدهم دهيمة،و ميكس وماستر أحمد حسام.

وجاءت كلمات الأغنية كالتالي: "كلمة سلام دي متقولهاش وبلاش تسيبني حبيبي بلاش.. أنا لسه عايزك بتكلم.. اسمعني مرة متستقواش.. كلمة سلام دي متقولهاش وبلاش تسيبني حبيبي بلاش.. أنا لسه عايزك بتكلم.. اسمعني مرة متستقواش.. إيه جرالك إيه.. حبيبي قولي مالك انت قولي زعلان ليه؟.. وحصل إيه.. حبيبي ده انت لو تسيبني ليلة هعمل إيه؟..  وأعيش ليه؟.. دي حكايتنا وحياتنا ميخلصوش بسلام.. إيه جرالك إيه.. حبيبي قولي مالك انت قولي زعلان ليه؟.. وحصل إيه.. حبيبي ده انت لو تسيبني ليلة هعمل إيه؟..  وأعيش ليه.. دي حكايتنا وحياتنا ميخلصوش بسلام.. أول معاد ما اترتبلوش يبقى الأخير متحددهوش ويا رب ما تخليني أبعد.. وكمان حبيبي متبعدهوش.. إيه جرالك إيه.. حبيبي قولي مالك انت قولي زعلان ليه؟.. وحصل إيه؟.. حبيبي ده انت لو تسيبني ليلة هعمل إيه؟..  وأعيش ليه.. دي حكايتنا وحياتنا ميخلصوش بسلام.