مجدي إدريس:' طول عمري بحلم بالسجادة الحمراء.. وممثلتش لحد دلوقتي
كشف الفنان مجدي إدريس عن أمنياته التي لم تتحقق بعد:' دايما بقول افرد جناحات الامل واحضن حلمك وطير هتوصل، بس انا طول عمري بحلم بالسجادة الحمراء هوليود من وانا صغيرة نفسي اوصل للعالمية أنا ممثلتش لحد النهاردة والله ما مثلت اقسم بالله ما مثلت ومحضر الأدوار اللي انا عاوز اعملها كلها.
أضاف إدريس خلال حواره مع الإعلامية إنجي هشام في برنامج المنسي عبر قناة هي:' محضر كل الأدوار اللي عايز اعملها في الكلاسيكيات كلها وعامل لكل شخصية تركيبة والامل مش بعيد ربنا زي ما بيهب الإنسان من عنده سبحانه وتعالى ربنا لما يهبك شيء جميل تأكدي أنك مش هتخذلي فيه ابدا هتنجحي
وتابع إدريس قائلا:' طال العمر أو قصر دي بتاعه ربنا يعني لحقنا اخر عربية في القطر كان بها ملحقناش يبقي اللي بعدنا يعملوه إنما متستغربوش علي فكرة ممكن يقولوا الراجل ده مجنون ولا ايه ليه لا ده حلم مشروع كمان نفسي احج ونفسي احفاد احفادي في يوم الايام ميجيش يقولوا جدك كان بيعمل كذا وكذا وحش مش ولادي بقي لا أحفاد احفادي كمان".
كشف الفنان مجدي إدريس، عن الفيلم المفضل له في مشواره الفني قائلا: "(أبو علي) كان علامة فارقة للكل ومن الافلام اللي كان فيها أجمل كواليس شوفتها في حياتي الناس كلها بتحب بعض، الناس كلها بتشتغل، الناس كلها حابه أدوارها، طلعت الله يرحمه وعم سعيد طرابيك وعم متولي علواني، كذا حد وناس كتير أو ي وكريم كان جميل أو ي ومازال جميل واحمد نادر جلال".
وتحدث خلال حواره مع الإعلامية انجي هشام في برنامج المنسي عبر قناة هي كاشفا أنه نادم على الاشتراك في فيلمه "نعمه " دون الحديث عن التفاصيل.
واختار الفنان الذي يلفت نظره من الجيل الحالي من بين دياب وباسل خياط ويوسف الشريف قائلا:' يوسف الشريف طبعا هو اللي بيلفت نظري وموضوع عدم التلامس دي قناعه شخصية هو مسئول عنها وعنده شجاعه أنه قالها فالصح أننا منتناقش.
