رغم المنافسة فى السينمات.. نص رسالة محمد عادل إمام لـ "أحمد السقا"

وجه النجم الشاب محمد عادل إمام، رسالة حب وتقدير للفنان أحمد السقا ، وهنأه بنجاح فيلمه الجديد متمنيًا له دوام التوفيق والنجاح.

ونشر "إمام"، مساء الجمعة، عبر صفحته الرسمية بموقع التواصل الاجتماعي "فيسبوك"، رسالته مصحوبة بصورة تجمعه بالفنان "أحمد السقا" خلال مسلسل "خطوط حمراء"، الذي جمعهما من قبل.

وجاء فيها: "أنا هقول حاجة لوجه الله وربنا شاهد على كلامي.. أنا طول عمري بحب #أحمد_السقا جدا وبعتبره بجد زي أخويا الكبير. هو الممثل الوحيد في جيله اللي حضرت له تقريبا كل أفلامة في السينما من كتر حبي فيه. لما ابتديت أمثل كان من أمنيات حياتي إني اشتغل معاه. ومن أكتر المرات اللي فرحت فيها لما هو اللي اختارني بنفسه علشان أعمل دور أخوه الصغير في مسلسل خطوط حمرا، اللي ما زال من أكتر الأدوار اللي بحبها وفرقت معايا في شغلي علشان خاطر وقفت قدام أحمد السقا. أنا بحبك أوي يا سقا ومبروك النجاح العظيم لفيلمك الجديد ومن نجاح لنجاح دايما ياحبيبي".

من جانبه رد النجم "أحمد السقا" على ما نشره "إمام" بقوله: "ربنا يوفقك كمان وكمان أنت أخويا وحبيبي".

يأتي ذلك بعد المنافسة القوية بين النجمين محمد إمام بفيلمه "جحيم في الهند" وأحمد السقا بفيلمه الجديد "من 30 سنة" اللذين طرحا خلال عيد الفطر، حيث تصدر فيلم "جحيم في الهند" إيرادات شباك التذاكر خلال الأيام الماضية بتحقيقه 7 ملايين و910 و620 جنيهًا، لينفرد بالمركز الأول في سباق الأفلام، بينما حقق فيلم "من 30 سنة" مجموع إيرادات بلغ 4 ملايين و135 ألفا و54 جنيهًا.