أمير طعيمة يفحم الإخوان وأردوغان بعد الإنقلاب العسكري
في أول تعليق منه حول الإنقلاب العسكرى بتركيا أكد الشاعر أمير طعيمة أن أردوغان يدفع ثمن غباء الإخوان السياسي.
وكتب أمير على صفحته الشخصية بموقع التواصل الاجتماعى"فيس بوك: "أرودوغان بيدفع تمن داء مزمن عند الإخوان و هو الغباء السياسي والمتاجرة بالدين لتحقيق أهداف سياسية، واللعب بالبيضة والحجر، كان بيحلم بالدولة العثمانية و الخلافة في نفس الوقت اللي بيسعي للانضمام للاتحاد الأوروبي و بيقبل قوانين تبيح الدعارة و الشذوذ الجنسي".
وأضاف: " وكان بيعادي الدول العربية العظمي المعادية للإخوان بحجة الدفاع عن الإسلام و بيطبع مع إسرائيل و بيتنازل لكسب رضاها لأ وكمان تطلع حماس مدعية النضال تبارك الاتفاق وتتاجر بالدين وتقولك فيها إيه ما النبي (ص) عمل صلح الحديبية مع اليهود.. شوية ضد روسيا و بيحاربها هي والنظام السوري جنبا إلي جنب مع أمريكا و بيدعم جماعات إرهابية، و بعدين يرجع لأحضان روسيا ويغض البصر عن تجاوزات النظام السوري اللي هو إرهابي برضه بالمناسبة، ده غير مهازل قتل الأكراد اللي هي ضد أي شريعة انسانية بقت دولة لا تفهم أيدولوجيتها و لا توجهها السياسي و لا هي مع مين وضد مين و لاهي عايزة إيه ؟ "
واختتم قائلا: "بالمناسبة للي مش متابع: في انقلاب عسكري بيحصل في تركيا حالا، مخطط إسرائيل لتفكيك الشرق الأوسط و القوي الكبري اللي فيه ماشي زي الفل و احنا بناكل في بعض لوحدنا من غير ما اسرائيل تتحرك من مكانها.. سفهاء "
