محمد دياب: "تركيا ٩٠ مليون شخص مهدده بالإنهيار كدولة"
أكد المخرج محمد دياب، أن ماحدث في تركيا ليس له نهاية اليوم، وأن أردوغان له قوة حقيقية في الشارع والمؤسسات.
وكتب دياب، علي صفحته الرسمية بموقع التواصل الاجتماعي "فيسبوك": "حدوتة تركيا مش هتخلص النهارده مهما كان في مين في السلطه في نهايه اليوم.. أردوغان و صحبه ليهم قوه حقيقيه في الشارع و المؤسسات و الشرطه مستنده علي انجازات حقيقيه لسنوات ودول مش هيقبلوا انقلاب بسهوله أبدا ... علي الطرف التاني العلمانيين (اللي كتير منهم ايدوا الاسلاميين ضد الجيش سابقا)و الناس في المدن الكبيره بتكره إنقلاب أردوغان، علي الديمقراطية وحاسين أن بلدهم بتتسرق منهم".
وأضاف قائلا: "تركيا ٩٠ مليون شخص مهدده بالانهيار كدولة.. وده أكبر خطر هدد أوروبا الحديثة.. المسؤول الأول عن انهارده هو أردوغان و قدره الاسلاميين السياسين علي ايجاد ثغره في الديمقراطيه تمكنهم من تحويلها لديكتاتورية".
وأنهي كلامه قائلا: "اكبر مصيبه في الانقلاب علي نموذج الاسلاميين في تركيا هو انه اكبر هديه لداعش و اخواتها انها تثبت ان الاسلاميين لا مكان لهم في النموذج الديمقراطي و ان مكانهم الوحيد لازم يكون جنبهم.. ربنا يستر".
