طاهر أبو ليلة: لهذا السبب أخذت رأي "الزعيم" في هذا الأمر! (فيديو)
تحدث الفنان الكوميدي طاهر أبو ليلة، من خلال ندوة التي أقامها "الفجر الفني" بخيمته الفنية عن مشاركته بفيلم "30 يوم في العز" وتخوفه من السبكية، وكيفية استشارته للنجم الكبير "الزعيم" عادل إمام عن مشاركته فيه.
وأضاف أبو ليلة قائلا: "كنت خايف قبل خوضي لتجربتي مع عيلة السبكي، ومش علشان بيعملوا حاجة وحشة أو حلوة لأن بعد "كابتن مصر" تجربتي معاهم كانت هتبقى صعبة شوية وأنا شغال في مسلسل الأستاذ عادل إمام، فكان قاعد فقولتله لو سمحت يا ريس عايز اسألك سؤال قالي قول قولتله أنا أتعرض عليا شغل مع الحاج أحمد السبكي، إيه رأيك قالي لا اشتغل وجرب هنا وهنا، فروحت بصراحة، فأستاذ عادل إمام هوا اللي قالي متخفش من حاجة لازم تجرب كل الأنواع متشتغلش في نوع واحد".
وتابع أبو ليلة: "فرحت للحاج أحمد السبكي، فقالي أنا عندي فيلم "30 يوم في العز" وكان فاضل 4 أيام على بداية التصوير في 4 شخصيات اختار انتا شخصية منهم ولا ايه رأيك، فقولت له لأ احنا ممكن نعمل خط تاني ووافق، وبصراحة أما اشتغلت معاهم لاقيته هو شخص كويس جدا ومجتهد وبيعمل اللي عليه وبيتابع الفيلم من أول ما بيبتدي لحد ما ينتهي غير الخلفية اللي أنا كنت واخدها عنه خالص يعني والفيل كان "فاني" يعني.
