شيرين تكشف سبب قرارها باعتزال الغناء وعودتها مرة أخرى!
أكدت المطربة شيرين عبدالوهاب، أنها قدمت 6 ألبومات فقط، ولكنها حققت نجاح كبير من خلال هذه الالبومات، حيث قالت: "نعمة كبيرة من عند ربنا جمهورى حافظ كل الاغانى".
وأضافت خلال لقائها فى برنامج "صاحبة السعادة" مع الفنانة اسعاد يونس على قناة "CBC" قائلة: "حصلى موقف صعب بعد مسلسل "طريقى" ومريت بظروف صعبه وقررت الاعتزال وبعد الموضوع دة ربنا بكرمه ورانى حب الناس وانى غالية عندهم، وانا لم اكن اؤمن بالنفس والعين لكن امنت بها بعد كدة فى عين تخلينى اشوف نفسى ماستهلش اللى انا فية، لكن انا متفانية فى شغلى ومش ببخل عليه بحاجة وبقدس شغلى جدا وكل الناس عارفة كدة، وجه وقت عليه بشوف نفسى عفريته فى المرايا، وباستمرار عياط ومش بصحى من النوم على طوال نايمة، والحمدلله خرجت من الحالة دى، وقولت خلاص مش عايزة حاجة غير ان اربى حتتين اللحم اللى عندى بناتى"
وتابعت قائلة: "الناس كانت رافضة انى اعتزل والحمدلله مكنتش اعرف ان غالية كدة عند الناس وربنا يخليهم لى، ومحظوظة ايضا بحب الفنانين زملائى، لان دة نادر وخصوصا ان دايما هناك غيرة فنية، وفى النهاية تجربة الاعتزال فادتنى جدا فى معرفة اللى بيحبونى"
