شقيقة "اوس أوس" تهاجم رواد "فيسبوك" لهذا السبب!

ردت شقيقة الفنان محمد أسامة المعروف "أوس أوس"، علي رواد موقع التواصل الاجتماعي بعد تعلقيهم علي صور فرح أوس أوس، بعدم ابتسامة زوجته في الصور.


وكتبت أيمان، في تدوينة علي حسابها بموقع التواصل الاجتماعي "فيسبوك"، اليوم الخميس،"طب نقول كام معلومة على السريع كدة، أولًا العروسة مش كئيبة بالعكس دي أطيب خلق الله ونعمة من ربنا إنه رزقنا بيها في أسرتنا الفكرة أن البنت استلموها تصوير من وهي في غرفتها لحد 2 بليل طبيعي هتفرهض ومش هتعرف تواصل الضحكه لآخر صورة".


وتابعت:"الصور بتاعة الفلوس تعمل كل حاجه والجو القلش ده مجرد هزار من الناس ده ميديش أي حد الحق في أنه يدخل ويتفلسف ويقول دي اتجوزته ليه.. ولا هو اتجوزها ليه مش أول اتنين حلوين يتجوزوا يا جدعان".


وأضافت:"لأهم بقى في ناس كتير من حبايب وقرايب وأصحاب زعلانين جدا أنهم متعزموش بس بجد والله الموضوع كان محكوم جدًا بعدد معين ودي قوانين الفندق نفسه ولازم نلتزم بيها ونعتذر جدًا، والفرحه كانت ناقصة وجودكم كلكم،آخر حاجة ياريت كل واحد بيحب "أوس أوس" يدعيلوا هو ورويدا بالخير ويجعل أيامهم سعيدة واللي مبيحبهوش خليك في حالك وبلاش صور وأي هزار سخيف".