أحمد فهمي: والدى طردني من البيت بسبب ضربى لأخويا.. وكريم: "أبويا كان مصاحب"
كشف الفنان أحمد فهمى، أن والده طرده من المنزل أسبوع، بسبب شقيقه الفنان كريم فهمى، وذلك على أثر مشاجرة بينهما.
وأضاف خلال لقائه فى برنامج "معكم" مع الاعلامية منى الشاذلى على قناة "CBC" قائلا: "الموضوع فى البداية ان فاتورة تليفون البيت جت لنا 34 الف جنية، وابويا لقيته جاى بيشتكى لى ويقولى شوف اخوك من المكالمات الفاتورة جت 34 الف جنية، فدخلت لـ كريم لقيته بيتكلم قولت له جبت الفاتورة 34 الف جنية، راح اتعصب وساب التليفون وهو عشان اطول منى واحنا بنتخانق ايدته بوكس جه فى وشه، لقيت على وشه كله دم".
وتابع قائلا: "ابويا شاف منظر الدم راح طردنى اسبوع من البيت، وهو اصلا اللى اشتكالى من كريم"، ليرد كريم ساخرا: "اقسم بالله ابويا كان مصاحب والفاتورة بسببه مش منى".
وعلق احمد قائلا: "ابويا كان بيكلم صاحبته وكريم كمان"، مما جعل الاعلامية منى الشاذلى تعلق قائلة: "انتو فضحتوا العيلة".
