"حكاية اليوم الأخير" لضحايا مركب رشيد (فيديو)
عبر الشاعر الكبير أمير طعيمة، عن حزنه لحادث "مركب رشيد" والذي أسفر عنه حتي الأن 162 قتيلا، بإهدائه لضحايا الحادث وأسرهم أغنية "حكاية اليوم الأخير".
"حكاية اليوم الأخير" من "كلمات أمير طعيمة، ألحان هشام جمال، توزيع مادي، وغناء هشام جمال".
وتقول كلمات الأغنية:
دي حكاية_اليوم_الأخير .. بدأت مع طلوع النهار
في الفجر أبويا و أمي قاموا .. و كانوا واخدين القرار
قالوا هنمشي عشان ظروف .. و لموا هدومي في شنطتي
سبت اللعب فوق الرفوف .. ع الأرض وقعت ضحكتي
و جرينا ع البحر البعيد .. و ركبنا مركب من ورق
قالوا كلام ما فهمتهوش .. معرفش يعني ايه غرق
الموج علي و المركبة .. مالت وقعنا كلنا
في البحر أهلي إختفوا .. و معدش فاضل الا أنا
من أمي كان فاضل يدوب .. طرحة بألوان الشجر
و ساعتها بس بدأت أحس .. يعني إيه كلمة خطر
كان المطر زي الدموع .. نازلة من عين القمر
و البحر كان عليا أحن .. من قلوب باقي البشر".
