عمرو ياسين: "مفيش أريح من شوفة الحق.. والتطبيل ليه"
عبر الفنان والمؤلف عمرو محمود يس، عن تعجبه الشديد من حال بعض فئات المجتمع الذين ينتمون إلى فصيل معين ويدافعون عنه دفاع كامل ولا يعترضون على أخطائه أو تقصيره، أيًا كان نوع الانتماء إن كان ناصري أو إخواني أو من مؤيدي الرئيس الحالي عبدالفتاح السيسي أو الثوار.
وكتب يس، على صفحته الشخصية على موقع التواصل الاجتماعي "فيسبوك": "بكره التطرف في الانتماء والفكر السياسي، بكره الموضوع ده بجد .. لأنه بيعمي صاحبه.. وبيخليه متحجر الفكر.. ومش قادر يشوف غير قناعاته مهما أظهرت الحقايق أدامه أشياء مختلفة.. مابحبش الملكي أكتر من أسرة محمد علي نفسهم.. مبحبش الناصري اللي مقتنع بالناصريه أكتر من جمال عبد الناصر بذات نفسه.. بفرك لما بشوف واحد قناعته بالاخوان أكبر من قناعته ببلده.. بستغرب من السيساوية اللي بيحبوا السيسي لدرجة انهم بيتحولوا للدبة اللي بتقتل صاحبها.. بندهش قوي من أولاد مبارك.. اللي مهما حصل مش بيشوفوله أي أخطاء مهما كان.. وبتنح أدام الثورجي اللي مُصر إن الحل الوحيد هو الجري والصريخ في الشوارع و الإقامة فيها، رغم أنه جرب وشاف أولها من آخرها.. الحمدلله على نعمة اللانتماء.. مفيش أحلى ولا أريح من شوفة الحق .. والتطبيل ليه"
