بأمر جمهوره.. الشماريخ والمخدرات والفوضى ممنوعات حفل محمد منير اليوم
شروط مهمة، وضعها ألتراس الكينج محمد منير،
لحضور حفله اليوم بالاستاد المكشوف فى جامعة مصر، والتى ستقام فى التاسعة مساء اليوم،
وذلك حرصًا منهم على خروج الحفل بالشكل اللائق، ليكون الحدث قابلاً للتكرار .
ووضع أدمن ألتراس منير تعليماتهم المهمة
لدخول الجمهور للحفل، وكتب على الصفحة الرسمية لجمهور منير: كام حاجة كدة شوية تعليمات
بسيطة حابب أقولهالكم عشان نطلع بحفلة كويسة محترمة تليق باسم الكينج منير وتبقى أحلى
هدية في عيد ميلاده:
1.
التيكيت المضروب مش هيدخل..اقسم بالله ما هيدخل.. والله ما هيدخل.. لو مجبتش
التيكيت من المنافذ الرسمية المعلن عنها أنا مش مسئول .
2.
ممنوع الشماريخ أو الألعاب النارية منعًا باتًا.. دى جامعة مش مكان مفتوح زى
الساحل وكده غير أن الدنيا قلق فمش حابين يحصل أى قلق فى الحفلة والناس تتخنق وكده
ده غير إن إللى معاه مش هيعرف يدخل بيه.
3.
طبعًا جو المخدرات أو الخمور وكده ومش هتكسف إنى أقولها بلاش عشان بردو مش هتعرف
تدخل بيه وهيحصل معاك مشكلة أنت فى غنى عنها فبلاش أحسن
4.
موضوع إن البوابة تفتح للناس إلى مش معاها تيكيت أو تدخل بأى طريقة غير البوابات
الرسمية مش هيحصل لأن الحفلة مؤمنة تأمينًا على أكمل وجه سواء شركة أمن أو داخلية أو
جاردات فمتعملش مشكلة لنفسك
5.
برجاء الدخول بنظام وإتباع التعليمات عشان ندخل بسهولة ونظام وميحصلش أى تدافع
أو مشاكل
واختتم ادمن الصفحة "إحنا بنتكلم كده
لمصلحتكم فى الحفلة دى ومستقبلا كمان.. إحنا لو طلعنا الحفلة بشكل لائق تبقى دى أجمل
هدية للكينج في عيد ميلاده ويبقى مبسوط بينا جدًا .
