هنا شيحا لـ"ماجدة خير الله": "خليكي فى حالك علاقتي بـ"خان" أكبر من فيلم تسجيلي"

أعربت الفنانة الشابة هنا شيحا، عن أستيائها الشديد من الناقدة ماجدة خير الله، بسبب تشكيكها فى وفائها للمخرج الكبير الراحل محمد خان.

وأكدت هنا، أن هناك مخرج يدعى أحمد فوزى طلب منها تسجيل حلقة معه عن الراحل محمد خان، ورفضت وقتها بسبب خبر وفاته الذى جعلها تمر بحالة نفسية سيئة مما جعل المخرج بنتقدها ويجعل الناقدة ماجدة تهاجمها.


وكتبت هنا، على صفحتها الشخصية عبر موقع التواصل الاجتماعى "فيسبوك":" الاستاذة المبجلة ماجدة خير الله تبرعت بنشر بوست علي الفيس بوك يخصني ويخص علاقتي بأستاذي محمد خان عن فيلم تسجيلي أتعمل من انتاج Ontv وعن قد ايه هي مستغربة ان بطلات خان مش موجودين في الفيلم واعتقد ان أ ب صحافة ان حضرتك قبل ما تنشري حاجة لازم تتحري من المصدر ولا ايه ؟والرد اللي قالهولها المعد والمخرج المغمور احمد فوزي أني طلبت ١٠٠ الف جنيه لتصوير ١٠ دقائق عن تجربتي مع الاستاذ خان تمام ".

وتابعت قائلة:" أولًا أحب أقولك يا ماجدة خليكي في حالك وقبل ما تنشري حاجة تحري الصدق ثانيًا المعد والمخرج احمد فوزي اعتقد ان مدير أعمالي فهم حضرتك أن حالتي النفسية في وقت تصوير فيلمك كانت لا تسمح وما طلبش فلوس أصلا من حضرتك ثالثًا طلب فلوس او لاء دي حاجة مسئول عنها مدير أعمالي وتخص ظهوري الاعلامي في القنوات والأعمال الفنية ومليش علاقة بيها وده دوره ومتخصش حضرتك يا استاذ من الأساس.


وأنهت حديثها:"رابعًا والأهم محمد خان أكبر وأهم من فيلم تسجيلي يتجاب فيه ناس يتكلموا عنه وهما أصلا كانوا مزعلينه في حياته ومش مهتمين بشغلهم معاه من الأساس أنا مش محتاجة أشرح وما كنتش ناوية أرد أصلا بس في فرق كبير لما يكلمني الأستاذ الناقد أحمد شوقي، ويطلب مني أكتب عن أستاذ خان في عز وجعي وصدمتي وأعملها من قلبي واعبر عن إحساسي بالفقد والالم ولما يكلمني معد برامج زنان عايز يتشهر والنَّاس تتكلم عن قد ايه هو بيحب خان علي فكرة خان مش محتاج حاجة خان عارف مين بيحبه ومين كان بيتملقه مش محتاج فيلم تسجيلي يتكلم عنه هري علي الفاضي ربما تحتوي الصورة على: شخص واحد، ‏نص‏".