سماح أنور عن ترامب: "لم أتوقع فوزه.. واللي عايزه ربنا بيحصل.. و11/11 المصري الحقيقي مش عايزها" (حوار)
استعد لإنتاج عمل درامي جديد دون المشاركة فيه
قالت الفنانة سماح أنور، أنها تجهز لعمل درامي جديد خلال الفترة الحالية، موضحة أن العمل لم يتم الاتفاق مع
الفريق المشارك به.
وأضافت في حوارها لـ"الفجر الفني"، أنها تقوم بإنتاج هذا العمل، نافية مشاركتها فية بأي دور تمثيلي، معلقة على دعوات "11/11": "المصري اختار خلاص ومحدش يقدر يقف أدامه وانتهى الأمر، والمصريين الحقيقيين التعبانيين مش المرتاحيين هما اللي بيحموا مصر، المصري اللي خايف على أكل عيشه ومش عايز حاجة تبوظ شغله، دة مبينزلش مظاهرات ومش بيظهر في التليفزيون ولا أحد يتكلم عنه، وهو لا عايز لا ثورة ولا غيره هو عايز ياكل عيش".
وتابعت قائلة: "الإعلام ضخم هذا الأمر، فهو راعي الحركة والدليل أنه عمل 11/11 كسؤال مهم في كل حلقة وكل حوار، والإعلام شارك في هذا الأمر ومجرد طرح كلمة 11/11 اعلاميا نوع من السذاجة".
وعن رأيها في فوز دونالد ترامب، بالرئاسة الأمريكية، علقت سماح قائلة: "لم أتوقع نهائيا، لأن معلوماتنا في الفترة الاخيرة بأن المسألة ليست بهذه السهولة، وفوز ترامب اثبت انه مش مهم مين عايز ايه، ولكن اللي ربنا عايزه في الآخر هو اللي بيحصل".
وأوضحت قائلة: "الشعب الأمريكي يسعى للتغيير الداخلي وخطاب ترامب بعد فوزة عجبنى لأنه تحدث فيه عن البنية التحتية للبلاد وخلق وظائف والقضاء على البطالة، وأرى أن هناك صحوة تحدث للشعوب وبدأت تعرف مصالحها فين".
