أمير طعيمة لـ"مهاجمي الغلابة": اشكروا الناس اللي ما نزلوش.. بدل كيد العوالم المقرف ده"
علق الشاعر، أمير طعيمة علي ماحدث اليوم، وضعف وجود المتظاهرين، موجها رسالة للإعلام والأشخاص علي عدم تشجيع الناس علي النزول لمصلحة البلد.
وكتب طعيمة، علي حسابه الشخصي بموقع التواصل الاجتماعي "فيسبوك": "اللي قاعدين يكيدوا و يتريقوا و يشتموا الناس،عشان ما نزلوش عايز أوضح الكام نقطة دول: "اللي مش راضيين عن أداء النظام الحالي مش بس الإخوان، الإخوان كده أو كده مش راضيين، بس فيه جزء غير قليل من الشعب مش راضي".
وأضاف قائلا: "عدم نزول الناس "اللي مش إخوان" مش سببه السعادة اللي هما فيها، فيه أسباب مختلفة لعدم نزول الناس هي الخوف يتطس سنين سجن لتعبيره عن رأيه، أو عدم الاقتناع بإن التظاهر بقي وسيلة إيجابية، أو اليأس أساسا من حدوث تغيير للأفضل، أو اقتناعا أن ده مش في صالح استقرار البلد اللي مش ناقصة، ده غير إن تبني إعلام الاخوان للمظاهرات ده في حد ذاته شئ فصيل للي مش إخوان..الاعلام طبعا هيستفز الناس أكتر النهاردة و هيتم لوي الحقائق و تصوير الامر علي انه تجديد ثقة في القيادة و مؤشر عن رضا الناس عن الأداء، و ان الشعب المصري متهني و مش ناقصه غير وزير سعادة زي الامارات".
واختتم كلامه قائلا:
"نصيحة للإعلام و اللي مش إعلام: اشكروا الناس اللي ما نزلوش بدل ما تكيدوهم و
بطلوا استفزاز عشان مصلحة البلد، و احمدوا ربنا بدل كيد العوالم المقرف ده.. شعب كياد".
