حلمى بكر: قاطعت وردة 12 سنة والسبب!
كشف الموسيقار حلمي بكر، أنه قام بمقاطعة المطربة الكبيرة وردة، لمدة 12 عام، حيث قال: "وردة هي اللي اكتشفتنى، وانا اكتشفت عمار الشريعي، اشتغل معايا 12 سنة ايضا وكان عازف وانا قولت له لازم يبقى ملحن ونفس الحال لـ حسن ابوالسعود اكتشفت موهبته كملحن".
وأضاف خلال لقائه فى برنامج "الستات ميعرفوش يكدبوا" على قناة CBC قائلا: "جاءني عمار الشريعي وقالي نجاة مش عايزة تغني من الحاني، وانا عايز ألحن للمطربة وردة، وبالفعل أخبرتها بالأمر ووافقت".
وتابع قائلا: "وردة بالنسبة لى طفلة، وهى الطيبة والكرم، ورأيت ان وردة وصباح، أكرم اثنان فى الوسط الغنائى".
واستكمل حديثه: "وردة كانت بتقرأ باللاتيني ورغم كدة بقت مصرية فى طريقة كلامها، وفى مرة كنت عندها وهى تعتاد ان تودع الناس بقبله فى "خدهم"، ولما جيت امشى من عندها بسلم عليها وجت تبوسني فى خدي ابتعدت فقالت لي انت اتجننت قولت لها شكرا".
