أيمن بهجت قمر: "ابني اتفرج على حرب كرموز وقالي مش هشجع أرسنال تاني"
أعرب الشاعر الغنائي أيمن بهجت قمر عن أسفه بسبب عدم الاستثمار في السينما والإبداع كونها تؤثر في وجدان الجمهور، وأوضح من خلال قصة له مع ابنه أثناء مشاهدتهما فيلم "حرب كرموز"، أن ابنه تأثر بمحاربة الضباط المصريين والإنجليز وبناء عليه قررعدم تشجيع فريق الأرسنال الإنجليزي.
وكتب بهجت، "ابني الصغير كان بيتفرج معايا على فيلم (حرب كرموز) وفي عز الصراع الداير في الفيلم بين المصريين وظباط الاحتلال الإنجليزي راح باصص لي وقالي أنا خلاص مش هشجع أرسنال تاني! قلتله ولا ليفربول! قاللي ولا ليفربول".
وأضاف: "قد إيه السينما ممكن تأثر في وجدان الناس، خليكوا كده اهتموا بس بالكورة وادعموا الإعلام اللي بيزود التعصب بين الناس وافرحوا بالاستثمارات وخلونا كده في السينما والموسيقى عمالين نشتغل بشكل عشوائي وبجهود ذاتية، وشكرًا".
فيلم "حرب كرموز" يشارك في بطولته مع أمير كرارة كل من غادة عبد الرازق وفتحي عبد الوهاب وروجينا وبيومي فؤاد ومصطفي خاطر وإيمان العاصي ومحمد عز ومحمد علي رزق ومحمود حجازي، وهو قصة محمد السبكي، وإخراج بيتر ميمي.
