أمير طعيمة يتضامن مع محمد صلاح بعد أزمته مع اتحاد الكرة

وكتب طعيمية عبر حسابه الرسمي بموقع التواصل الاجتماعي "فيسبوك": "أما بنسافر لتسجيل برنامج خارج مصر أو حتي بيطلب مطرب حضورنا للتسجيل، بيبقي العادي من غير ما نطلب، اننا بنسافر بيزنس، وطبيعي بينتظرنا حد في المطار لتسهيل الاجراءات ونقلنا للفندق مباشرة للراحة، فحضرتك إنسي انه من أهم لاعبي العالم وعامله علي انه فقط لاعب دولي هتلاقي إنه عيب اصلا توصله يطلب كده".

وأضاف :" لما يطلب الخصوصية في حجرته عشان بعد إذنك ينام ويركز في مهمته وما يلاقيش حد من الاتحاد بيجامل وداخل عليه بعد نص الليل لتصوير فلان وعلان زي ما حصل في كأس العالم وغيره من المباريات الهامة فالمفروض تعتذر وتعده بعدم تكرار ذلك.

وتابع: "أخيرًا أي لاعب محترف في درجة تانية بيتم التواصل من خلال مدير أعماله يعني مش بدعة، كمان من حقه ومن خصوصيته إنك تستأذن مدير أعماله فيما يخص التصوير واللقاءات واستخدامه في أي مناسبة ودي كلها طلبات المفروض تبقي عارفها من نفسك.

واختتم حديثه قائلًا: "المؤتمر الصحفي لاتحاد الكرة و تعاملهم مع طلبات بديهية علي انها بدعة؛ بيدينهم، وبيؤكد لنا ما لا نحتاج تأكيده بأن المنظومة دي كلها غير احترافية وماشية بالحب وكانت سبب لخروج لاعبي المنتخب عن تركيزهم في مناسبات كثيرة".