أيمن بهجت قمر: "تركي آل الشيخ قدم مساعدات مجتش من النقابات والجمعيات"
قال المؤلف الغنائي والسيناريست أيمن بهجت قمر، إن المستار تركي آل الشيخ علاقته جيدة مع كافة الفنانيين مضيفًا أن نشر الفنانيين لصورهم مع تركي آل الشيخ ليست نوعًا من التطبيل كما يظن البعض ولكنها علاقة قبل الكرة والوزارة وغيرها.
وتابع "قمر"، عبر حسابه الرمي على "فيس بوك": "عايز تعرف ليه أصحاب تركي الشيخ الفنانين الأيام دي بالذات بينزلوا صور ليهم مع تركي الشيخ؟ انت تحسبها تطبيل وهيطلعكوا عمره والجو ده مع إن أكيد النجوم دول مش محتاجين يعني، لكن اسمح لي أقولك أنا جايز تفهم حاجه ده لو حابب تفهم".
وتابع: "الراجل ده علاقته بينا كلنا من يوم ما عرفناه قبل الكورة والوزارة من سنين علاقة في منتهى الاحترام والمحبة المتبادلة وعمر ما حصل بينا توتر أو فضايح في الفضائيات أو على المواقع حتى لو فيه خلافات بسيطة بتحصل عمرها ما خرجت خارج الإطار الطبيعي لمشاكل الأصدقاء وده حصل معايا أنا شخصيًا".
واستطرد: "بيوفر للفنانين اللي بيتعاملوا معاه امكانيات كبيره عشان الأعمال تطلع في أفضل صورة وله مواقف على المستوى الإنساني جاحد اللي ينكرها ومساعدات ماجتش من النقابات والجمعيات، أنا بالنسبالي عمري ما انسى إن في عز مشاكلي مع روتانا دعاني لحفل صعود المنتخب السعودي في الرياض ودخلت وقعدت في الصفوف الأولى وانا رافع راسي والحفلة برعاية روتانا ولقيت من كل قيادات روتانا بلا استثناء كل الحفاوه والاحترام برغم اني برضه لسه مازلت ما بشتغلش معاهم بسبب عقود النشر".
واستكمل: "خلافاته الشخصية المعلنة أو الخاصة بيه دي حاجة مالهاش أي علاقة بينا بس لما يتهاجم لازم يلاقي اصدقاؤه واقفين معاه وبيشدوا من أزره وبيحتلفوا معاه بنجاحه ونجاحنا مع عمرو دياب وللا الصداقه بس في الزمبليطة والهيصة!".
واختتم: "ألف مبروك لتركي آل الشيخ ولكل زمايلي اللي اشتركوا في الألبوم المحترم ده ويارب دايما ناجحين مع بعض".
