سما المصري تفتتح النار على ميدو بعد تغريدته عن رانيا يوسف: "اختشي على دمك"

انتقدت الفنانة سما المصري تعليق الكابتن أحمد حسام ميدو لاعب نادي الزمالك ومنتخب مصر السابق عن فستان الفنانة رانيا يوسف في ختام مهرجان القاهرة السينمائي الدولي الأسبوع الماضي، والذي قال فيه أن ٧٠٪؜ من مهاجميها سيقبلون يديها في حال رؤيتها.

وكتبت "سما" عبر حسابه الرسمي عبى موقع الصور "انستجرام" ردًّا على "ميدو": "لا لا لا حاسب بس.. احترم نفسك فى الكلام معانا أومال.. أنا واحدة بانتقدها يبقى مال أبويا ؟؟ طب وانت كمان مال أبوك؟؟ انا حرة انتقدها بمزاجي طب ما فى ناس بتتنقدني أطلع أقولهم مال أبوكم".

وتابعت "سما": "اختشي على دمك كل واحد له حق النقد طالما مابيجرحش فى حد.. أيه هندبح الناس ونجيب سيرة أبوهم وأمهم علشان بينتقدونا؟؟ أنت عاجبك الموضوع ولا هى صاحبتك إنتوا أحرار لكن هتجيب سيرة الأب والأم هنجيب سيرة أبوك وأمك دا لو أنت قلت كده بجد؟؟..وبعدين بتقول اللي بينتقدها يتمنى يبوس رجليها، ليه يا حبيبي رجل شجرة الدر ولا إيه ؟ أنا بانقدها أهو بس ماعرفش بوس الرجلين، فى ناس تانية اللى تعرفه، ولو مفيش نقد ولا محاسبة لحد كلنا نمشى وهو بيكلم المصريين خلو عندكم دم شوية".

وواصلت "سما": "بلاش التعالي ع الناس دا.. لبس زفت قلنا لبسها وحش.. ما كفرناش يعنى بتدخل الأب والأم فى الموضوع ليه باه ؟؟ عيب على اسمك وتاريخك تتكلم كده مع الناس.. أنت بتكلم بنى آدمين ذيهم، أنت مش أحسن منهم، ولا على رأسك ريشة ياسي كابتن ان.".