لماذا قال إياد نصار هذه الكلمة الغريبة عن زوجته؟

أوضح الفنان إياد نصار، سبب دعائه بالاستعاذة من قهر الرجال، قال خلال حسابه على فايسبوك: "لما بدعي لربنا وبستعيذ بالله من قهر الرجال، كنت بفكر دايما هو ايه اللي بيقهر الرجال؟ خصوصا ان الدعاء كامل بتستعيذ بالله من الهم والغم والحزن والجبن..ما ده كله قهر للانسان..اللي فهمته ان اللي بيقهر الراجل انه يشوف الخوف في عينين اللي بيحبهم ومايقدرش يحسسهم بالأمان ..انك تشوف خوف في عينين مراتك وماتقدرش تطمنها...زي لما شوفت الخوف في عينين مراتي لما خافت انها تكبر وتعجز..".

وأضاف: "وقتها قلتلها لا مش مسموحلك تكبري..مش مسموحلك تخافي من الزمن وانا جنبك..كان ممكن اقولها الله زي القمر اتجوزك تاني وارضي نحانيح كوكب الأرض..انا رديت من دوري في حياة مراتي انا مش هسمح للحظة خوف تعدي عليكي انا مش هسمح انك ماتحسيش بالأمان وانا جنبك..انتي مش مسموحلك تكبري مش مسموحلك تخافي...الا قهر الرجال..اللهم اني  استعيذ بك من قهر الرجال".