إصابات بحفل أحمد كامل الأخير في ليلة رأس السنة (فيديو وصور)
كشف المطرب الشاب أحمد كامل، عن وقوع اصابات بحفله الأخير الذي أحياه ليلة رأس السنة بجنينة مول مما أدى إلى إلغاء الحفل، وإصابة "كامل" شخصيا.
ونشر "كامل" عبر حسابه الرسمي بموقع التواصل الاجتماعي "فيسبوك" فيديو تبين من خلاله التفاف الجمهور حوله، وسوء حالته الصحية، وعلق عليه قائلا: "قدر الله و ماشاء فعل ، كان نفسي نتبسط كلنا و الحفله كانت مجانيه علشان نقدر نتبسط كلنا ، الناس الي سألت عليا انا دلوقتي كويس الحمدلله ، انا لما قبلت الحفله دي كان لغرض اخليكم مبسوطين ، لما اتعرض عليا الموضوع فرحت انها مجانا كان نفسي اخليكم مبسوطين بس عمري ماكنت اتخيل ان ممكن ييجي ٣٠,٠٠٠ شخص ، مكنش ينفع اكمل غنا و انا شايف ناس بتضرر و بتقع بسبب التدافع خاصة انهم من جمهوري كان لازم اوقف الحفله و تتلغي".
وأضاف: " بحكم معرفتكم بيا انا قريب منكم و واحد منكم و عمري ما هسمح لاي شيء يضركم ، المكان مقدرش يستوعب العدد ده كله، اسف جدا جدا جدا ، و عايز اشكركم و اتأسفلكم علي اي ضرر ، و لو في اي حد اتصاب النهارده انا مستعد لو يسمحلي اجي ازوره بنفسي اعتذرله ، انا كمان اتصابت وربنا الي عالم اني اكتر شخص اتضر في الموضوع ده و نفسيتي زفت لاني للحظه بقيت بلوم نفسي اني بقيت مغني مشهور ، بس كان نفسي تكونو مبسوطين لانكم تستحقو ده ، حقكم علي راسي واتمني محدش يكون زعلان مني ، انتم اكتر ناس عارفه اني مستحيل اضركم".
