عمرو الليثي يكشف سر قرية "الشخلوبة" بكفر الشيخ (صور)
تناول الإعلامي د. عمرو الليثي من خلال برنامج واحد من الناس على شاشة النهار الحديث عن قرية مصرية اسمها (الشخلوبة ) القرية تقع على ضفاف بحيرة البرلس بمحافظة كفر الشيخ ، ونسبة البطالة فيها صفر % رغم اعتماد سكانها على مهنة واحدة وهى صيد السمك وكل المهن المرتبطة بالصيد بداية من صنع الشباك بانواعها وصولا للمراكب المختلفة ومش بس كدة القرية دى بيرتادها السياح من اماكن كتيرة فى العالم بسبب مناظرها الخلابة ومناخها المعتدل ومشاهدة الطيور المهاجرة اللى بتستقر فيها اثناء هجرتها عدد سكان.
وأضاف الليثي الشخلوبة حوالى 15 الف نسمة عايز اقولكم ان القرية لاقت شهرة عالمية من خلال صورة لها حصلت على جايزة ويكيبديا لافضل صورة عام 2017 وكانت الصورة لمنازل مقامة فوق جزيرة بالمياة على ضفاف القرية وطبعا لان القرية منعزلة بسبب موقعها الفريد عن باقى القرى قدرت تحافظ على شخصيتها وتقاليدها انا باحكى لكو حكاية الشخلوبة لية ؟؟؟.
ودعا الليثي إلى أن نبدأ بالترويج للقرية سياحياً من اجل اجتذاب اعداد اكبر من السياح وعلشان نرفع كفاءة الخدمات فيها لتصبح مقصدا عالميا للراغبين فى مشاهدة الطبيعة الخلابة والطيور المهاجرة اللى بتتوافد بالالاف من اوروبا لتستقر فى القرية دى قبل ما ترجع لاوروبا مرة تانية دى حكاية قرية صغيرة يمكن محدش سمع عنها لكن اسمها على لسان عدد كبير من السياح تحية لاهالى القرية دى اللي أصبحت مصدر من مصادر الخير والسعادة والاستقرار.
