بيان هام من الإعلامية دعاء فاروق إلى جمهورها "محدش يحاسبني على روج ولا كحل.."
شاركت الإعلامية دعاء فاروق، جمهورها عبر مواقع التواصل الاجتماعي، صورة لها، موجهة من خلالها كلمات لجمهورها.
ونشرت دعاء فاروق منشورًا طويلا على حسابها الشخصي على Instagram جاء به: "أقر انا دعاء فاروق اني مش قدوة لأي حد في الدنيا.. انا ست عادية عادية عادية.. ام العيال.. امرأة عاملة.. اي حاجة غير اني قدوة لأي حد".
أكملت دعاء منشورها الطويل قائلة: "الرسول عليه افضل الصلاة والسلام هو القدوة ولا تقتدي بمخلوق غيره... أمهات المؤمنين قدوة في الدين.. إنما انا مش قدوة في الدين.. انا اقل منكم كلكم.. انا بشتغل في التلفزيون مذيعة... واحدة عادية خالص ابقى قدوة في الدين بامارة ايه... عشان ايه؟؟؟ عشان عملت ايه يخليني اتحط في مصاف الأنبياء والصالحين وامهات المؤمنين".
وأوضت دعاء فاروق، "محدش يقلد واحدة عادية.. محدش يقلدني في أي حاجة ... محدش يحاسبني على روج ولا كحل ولا ايشارب ولا فستان ولا باندانا ولا خروجة ولا ضحكة ولا صورة ولا بنتك ولا اختك ولا صاحبتك... ليه مش بتحجبي بنتك؟ ليه مش بتلبسي اختك زيك؟ ليه بتصاحبي فلانة، ليه بتلبسي احمر؟ ليه بتتفسحي؟ ليه بتتصوري؟".
وأشارت الإعلامية دعاء فاروق إلى، :البس أي حاجة إن شالله البس بيجاما كستور مقلمة وكاسارولا على دماغي وانزل أنظم المرور في الشوارع... ابقوا ادعولي ربنا يشفيني وخلاص... الرجاء محدش يحاسبني على أي حاجة خالص.. عشان الحساب فوق مش تحت... شكرا لتفهمكم ولسعة صدركم.. صباح الفل تاني عالحلوين المتفهمين العاقلين الستات والبنات الشرباتات اللي مش حشريين".
يذكر أن دعاء فاروق تقدم برنامجا دينيا بعنوان "اسأل مع دعاء" يعرض على قناة "النهار"
