أول رد من بسمة وهبة على تعليقات الجمهور حول مرضها بالسرطان
ابدت الإعلامية بسمة وهبة، سعادتها البالغة التي انتابتها بسبب ردود فعل جمهورها عبر مواقع التواصل الاجتماعي بعد إعلان محاربتها لمرض السرطان.
أوضحت بسمة وهبة، في منشور عبر صفحتها الرسمية "فيسبوك"، أنها ممتنة لكل من تفاعل مع قصتها قائلة: "لحد دلوقتي بحاول استوعب هذا الكم من التفاعل بعد مشاركتي لحدوتة الأمل زي ما بحب أسميها، حدوتة التعافي الحمدلله من مرض السرطان، كم مهول من الرسايل والتعليقات اللي لو أطول أرد على واحد واحد فيها مش هتأخر، بجد أسعدتوني بكلماتكم الطيبة بس الأهم كان كم المشاركة من ناس مختلفة سواء من مصر أو من دول تانيه كتير، بيحكوا بأمل عن تجربتهم أو تجربة حد عزيز عليهم مر بالمحنة وعدى أو لسه بيمر بالمعركة وإن شاء الله يعدي".
تابعت بسمة وهبة: "القصص دي كلها عندي بالدنيا لأنها بتقول وبتأكد على الرسالة اللي كان نفسي أوصلها من خلال كلامي ، إنه دايما فيه باب للأمل ، دايما قادرين نعدي المعركة بنفوسنا القوية وبقلوب محبينا اللي واقفين جنبنا وقبل كل ده بإيمانا بربنا وحكمته، شكراً لكل شخص علق وكتب وتفاعل شكر حقيقي لكل شخص شارك بحكايته عشان يأكد إن دايما فيه باب للأمل".
