خطوبة احمد الشيخ.. مناسبة عائلية انتهت بـ"خناقة" على السوشيال ميديا

علقت دينا السعيد طليقة احمد الشيخ على خبر خطوبته والتي إحتفل بها يوم أمس الجمعة وسط حضور كوكبة من العائلة وبعض نجوم كرة القدم.

وكتبت دينا عبر حسابها الشخصي على موقع التواصل الإجتماعي فيس بوك " أولآ يا جماعه محدش يبعتلى مسدجات تانى دعواتكم فوق دماغي،بس انا مش عندى موته.

وواصلت " أنا زي الفل وربنا عوضنى بـ أحلى بنت ف الدنيا ثانيا من موقعي هذا كوكي بتبعتله تبارك وبتقولك زي ما بتعرف تخطب، يا بابي ابقى ابعت نفقتي الأول اللي انت موقفها عشان ربنا هيحاسبك".

وانهالت العديد كم التعليقات على منشور خطيبة احمد الشيخ، من قبل أصدقائها ومتابعيها الذين طالبوها بالتركيز في تربية ابنتها، وأن تحقق نجاحا في الحياة العملية وعدم الالتفات للماضي.

احمد الشيخ يرد على خطيبته

وانتشر تعليقا للكابتن احمد الشيخ : "لا  دينى ولا تربيتى تسمح أنى ارد على حد بيغلط مع أنى قادر اعمل كتير لكن فى الأول والآخر انا بعامل ربنا وعامل حساب لبنتى انا الى مستغربه بس ازاى الناس بقت بجحه كده وربنا عالم وكل الناس عارفه وهما أولهم انا بجيب لبنتى ايه لكن عمرى ما هتكلم فى تفاصيل احتراما لنفسى قبل اى شىء ولما بنتى تكبر ربنا هيعرفها الحقيقه قبل الناس المحترمة ما تعرفها ولو يعرفو ربنا مش هيمنعو أنى اشوف بنتى بالود من غير ما ارفع قضيه رؤيه".

وأضاف احمد الشيخ "ربنا كبير وبيخلى ناس ترد على كل الكلام الباطل والكذب دى بس ورقه تثبت انها بتاخد نفقه متأخره ليها ، ونفقه للبنت ٥الاف كل شهر ،ده طبعا غير الأوراق الى معايا تثبت قد ايه الموضوع كان كله مادى ، والحمد لله ربنا بيعوض والله ياجماعه".

واختلفت اتجاهات ورواد مواقع التواصل الاجتماعي على خطوبة احمد الشيخ فمنهم من طالب باحترام خصوصية المشاهير وأنه لا يحق لأحد أن يتحدث عن خطوبة احمد الشيخ او طليقته.

وهناك من شن هجوما حادا على احمد الشيخ خصوصا بأنه له طفلة من طليقته.

وهناك من أيد خطبة احمد الشيخ باعتبار أن كل إنسان لديه الحق في اختيار حياته بالشكل المناسب، وأن من المؤكد ان هناك تفاصيل لا يعلمها إلا من عاش القصة.

يذكر أن احمد الشيخ قد تزوج من دينا قبل عامين وبالتحديد في عام 2017 بأحد فنادق التجمع الخامس وحضر حفل الزفاف وقتها عدد كبير من نجوم الكرة المصرية وزملائه في فريقي الأهلي والمقاصة.