رضوى الشربيني: "محتاجة انهار بس معنديش وقت"

غردت الإعلامية رضوى الشربيني، عبر حسابها الشخصي على موقع "تويتر"،: "الواحد محتاج ينهار بس معندوش وقت.

بادلها أحد المتابعين التعليق قائلًا: وكيف للجمال أن ينهار، وهل يجوز للقمر أن يختفي عن الأنظار، حفظك الله من مكر وسوء الأشرار".

وعلقت أخرى عليها قائلة : ليه يا رضوى الحياة حلوة، ازاي بقا تنهاري وانتي قدوة لناس كتير، يعملوا ايه ساعتها حضرتك ، انا بحبك جدآ، ربنا يكفيكي شر الإنهيار".

على صعيد آخر: نشرت الفنانة رضوى الشربيني عبر حسابها على "تويتر"، فيديو متأثرة بحادثة محمود البنا "شهيد الشهامة" قائلة : محمود يا حبيبي مات عشان كان بيدافع عن عرض بنت، كان بيدافع عن شرف بنت، كان بيدافع عن جنسنا، كان بيدافع عن بنتي وبيدافع عن بنتك وعن اختك وعن والدتك ومات، مات عشان كان بيدافع عن عرضي عن شرفي أنا".

ثم تابعت قائلة: "كان نفسي يا محمود لما عرفت قصتك أكون مخلفة ولد عشان يبقا زيك يا حبيبي، كل بيت كان نفسه أنه يبقا عنده محمود البنا، الشهم المؤدب اللي أمه تعبت في تربيته، اللي عارف يعني ايه أخلاق وعارف يعني ايه أصول وعارف يعني ايه عرض ويعني ايه شهامة ويعني ايه شرف، وعارف يعنى ايه ميصحش، أرجعوا يا جماعة عند كلمة ميصحش، ارجعوا لكلمة الحرام وإلغوا كلمة العيب، عشان الحرام باين والحلال كمان باين".

نشرت رضوى الشربيني صورة " محمود البنا " معلقة عليها قائلة: "القصاص لشهيد الشهامة .