"كل ماتشوفني احمد ربنا".. حمدي الميرغني يوجه رسالة لـ رامي جمال

قام الفنان الكوميدي حمدي الميرغني، بمواساة الفنان والمطرب رامي جمال، في محنته وذلك بعد إعلان إصابته بمرض البهاق، الذي تعرض له منذ فترة وأخفاه عن الجميع، ولكنه قرر أمس التصريح بذلك.

وقام حمدي الميرغني، بالتعليق علي المنشور الذي كتبه رامي جمال قائلاً له: "ربنا يشفيك يا رامي ده مش حاجه اصلا ده الصداع أصعب منه ياخويا الناس كلها بتحبك...وكل ماتشوفني أحمد ربنا وأعرف انك في نعمه."

رامي جمال و إصابته بالبهاق

انتشر هذا الخبر في الوسط الفني بعد أن أعلن الفنان رامي جمال عن إصابته بالبهاق عبر جميع حسابته الرسميه على كافه مواقع التواصل الاجتماعي الخاصه به حيث كتب "الحمد لله الذي أحبني فابتلاني واقدرني على الصبر من فترة ظهرت بقع بيضاء في جسمي، وبالكشف عرفت أنه البهاق وجربت أنواع علاج كثيرة ودكاترة كثيرة، ومفيش فايدة رضيت وسلمت أمري لله، علشان عرفت أن الزعل بيزوده وكفاية شغلانتي وصعوبتها والقلق الدائم من المستقبل، وفعلاً بقي بيزيد لدرجة لفتت نظر ناس كثير، اللي يقولي هتتعامل ازاي وانت فنان، واللي يخاف يسلم واللي يسألني هو ده معدي.


مستكملا حديثه" أنا بقالي سنة فعلا لو عندي حفله أو تصوير، بتعب على ما ألاقي طريقة أخفيه بيها، لدرجة خلت ناس تقولي شوف بيزنس تاني اعمله علشان الناس مش هتتقبلك كده، فكرت في كلامهم بصراحة، ولقيت إن عندي حلين يا فعلاً شكراً لحد كده على الشغلانة دي رغم حبي لها وعدم معرفتي بغيرها، يا اما مش هداريه تاني وتقبلوني به، وترحموا كل اللي ابتلاهم بيه من نظرة أن شكوا غريب، الحمدلله على نعمة الأهل لأنهم الوحيدين اللي بيقبلوا الواحد زي ما هو، طولت عليكم بس قلت أشكركم في حياة فنان.