أسباب اعتزال رامي جمال الغناء
أعلن الفنان رامي جمال، أمس، عبر حساباته الرسمية بمواقع التواصل الإجتماعي، عن إصابته بمرض البهاق الذي دفعه للتفكير في عتزال الفن، الأمر الذي رفضه جمهوره وأصدقائه وأقاربه.
تفاصيل اصابة رامي جمال بمرض البهاق
وكتب رامي، عبر حساباته قائلا:" الحمد لله الذي احبني ف ابتلاني واقدرني علي الصبر من فتره ظهرت بقع بيضا في جسمي وبالكشف عرفت انه #البهاق وجربت أنواع علاج كتير ودكاترة كتير ومفيش فايده رضيت وسلمت امري لله علشان عرفت ان الزعل بيزوده وكفايه شغلانتي وصعوبتها والقلق الدائم من المستقبل وفعلا بقي بيزيد لدرجه لفتت نظر ناس كتير اللي بقي يقوللي هتتعامل ازاي وانت فنان واللي يخاف يسلم واللي يسألني هو ده معدي 😢انا بقالي سنه فعلا لو عندي حفله او تصوير بتعب علي ما اشوف طريقه أخفيه بيها لدرجه خلت ناس تقوللي شوف بيزنس تاني اعمله علشان الناس مش هتقبلك كده فكرت في كلامهم بصراحه ولقيت ان عندي حلين يا فعلا شكرًا لحد كده علي الشغلانه دي رغم حبي ليها وعدم معرفتي بغيرها يا اما مش هداريه تاني وتقبلوني بيه وترحمو كل اللي ربنا ابتلاهم بيه من نظره انو شكلو غريب الحمد لله علي نعمه الأهل لانهم الوحيدين اللي بيقبلو الواحد زي ما هو طولت عليكم بس قلت أشرككم في حياه فنان".
وإنهالت التعليقات علي المنشور من قبل جمهوره الذي طالبه بعدم التفكير في الإعتزال، رافضين طريقة تفكيره في الإبتعاد عن الغناء والعمل في مجال أخر.
واكد جمهوره علي حبه الشديد لرامي ووقوفه بجانبه في أي ظروف مهما كانت.
جدير بالذكر ان رامي إنتهي من تسجيل أغاني ألبومه الجديد، ويعمل حاليا علي الإنتهاء من كافة التفاصيل إستعدادا لطرحه خلال الأشهر القليلة المقبلة.
