عاجل.. أول رد من رامي جمال بعد إعلان إصابته بمرض البهاق

وقال "جمال"، ردًا على كافة الجمهور والفنانين الذين ساندوه خلال أزمته الأخيرة بمرض البهاق، :"الحمد لله اولا واخيرا انا عاوز اقول كلام كتير عن اللى شوفته منكم كلمة شكرا كلمة قليلة على مشاعركم وعلى رقي كلامكم وعلى الوقت اللى ضيعتوه عشان تحسنوا الصوىة المظلمة اللى كانت فى عينى".

واكمل "جمال" حديثه عن هذا المرض قائلًا: "انا بقيت شايف الابتلاء ده هدية من ربنا عشان اشوف الحب ده والله دموعى مبتقفش وانا بشوف كلامكن اوعو تبخلوا بالحب على اى حد بدعم نفسى زى اللى دعمتونى بيه احساس الحب بينور الدنيا بيرجع الروح والامل اللى انتوا عملتوه ميتقدىش".

ووجه المطرب رامي جمال حديثه إلى أصدقائه في الوسط الفني، :"عايز اشكر زملائى الفنانين على كل كلمة حلوة وكل دعم شفته هى دى الروح اللى نفسى تفضل موجودة مش بس بعد المرض ولا الوفاة الكلام الحلو قولوه على طول ليا ولغبرى بيفرق جدا الحب بيغير الضلمة لنور".

ووجه "رامي"، حديثه إلى وسائل الإعلام المختلفة، : "لكل القنوات اللى بتحاول تتواصل معايا من امبارح علشان تطمن عليا بشكركم جدا، انا كتبت البوست علشان انهى حمل على قلبى نش عشان ابقى تريند بشكركم طبعا، بس اتمنى لما تقرروا تستضيفونى يبقى على عمل فنة مش مرض، مقدر شغلكم طبعا بس انا مش قابل فكرة مريض".

وطمأن رامي جمال، الجمهور على حالته الصحية والنفسية،: "انا الحمد لله اتاكدت بكلام الناس انى مش خايف ومش هترفض فبلاش اى حاجة تتفهم غلط، شكرا على اهتمامكن ومقدروا واشوفكم فى لقاءات فنية بعد نزول ألبومى ده افضل نفسيا كتير ليا ومفيش مانع ساعتها نتكلم عن انى ازاى اتعايشت بيه وهتعايش بيه لو ليا عمر للحمد لله على الابتلاء الحمد لله على حبكم ودعمكم ده دين هعيش بيه، خلصتونى من سجن كنت عايش بيه، كنت بصحى قبل ما اغسل وشى اعد البقع واشوفها زادت ولا لا، النهاردة صحيت نزلت وحبيت المحنة اللى ورتنى قلوبكم وجمالها شكرا من قلب قلبي".

وكان المطرب رامي جمال أعلن منذ أيام عن إصابته بمرض البهاق، الذي يعمل يوم بعد يوم على إظهار بقع في الجسد بلون مختلف، وقال خلال منشور لها عبر حساباته الرسمية على مواقع التواصل الاجتماعي المختلفة أنه يفكر حاليًا في الاعتزال لأن الجمهور من المتوقع أنه يخشى المعاملة معه وذلك بسبب خوفهم من العدوى، لكن الجمهور وعدد كبير من نجوم الفن والغناء في الوطن العربي طلب منه التراجع في قرار الاعتزال والاستمرار في تقديم أعماله الفنية المتميزة.

حيق قال الفنان هاني شاكر، نقيب الموسيقيين أنه سيشاركه في حفله الذي من المقرر أن يقام ضمن فاعليات مهرجان الموسيقى العربية ويعتلي معه المسرح لتقديم باقة متنوعة من أغانيه الذي يحبها الجمهور.