أحببتك طوال 5 سنوات.. معجبة تفاجئ أحمد جمال برسالة غرامية

عبرت إحدى معجبات الفنان أحمد جمال، عن مدى حبها له عبر رسالة تتحدث فيها عن حبيبها التي أحبته من طرف واحد لمدة 5 وطلبت منه المساعدة ،في إيصال الرسالة لحبيبها، عبر موقع التواصل الإجتماعي للصور والفيدوهات"إنستجرام"

كتبت:"النهاردة عيد ميلاد الشخص اللي حبيته لوحدي من خمس سنين..عاوزه أقوله اني بدعيله علطول...وبحبه أوي..ومازلت محافظة على نفسي ومحبتش حد عشانه ولا عمري هحب غيره ماهما شفت..بالله عليك أنا بعتلك لأنه بيحبك جداً جداً...فانا مش عةوزه ارجع..انا بس عوزاه يعرف اني بحتفل بعيد ميلاده كل سنة لوحدي،وعمري مابنساه وبستناه من السنة للسنة....ممكن بالله عليك تساعدني انه يشوفها بس ..يشوف بس كلمة كل سنة وهو طيب..لان أنا مينفعش أقولهاله.هو اسمه كريم".

نشر جمال الرسالة كما تمنت عبر صفحته الرسمية على "الفيسبوك" وعلق فوقها قائلاً:"بعد ما وصلتني الرسالة اللي كلها حب و اخلاص دي كان لازم افرحها و احاول اوصل صوتها للإنسان اللي حبته
و اتمنى يا كريم تشوف الرسالة دي وتعرف قد ايه في قلوب مخلصة" .

تفاعل الجمهور مع هذه الرسالة وعلق قائلاً:"البوست شوية خدوه هزار وشويه خدوه تعاطف، وانا شوفته انك تفوقي مش تحاولي ترجعيه!! مش صعبان عليكي نفسك من اللي انتي قايلاه دا، انا معرفش ايه حصل وسيبته بعض ليه وايه الاسباب بس كل اللي اعرفه ان حبيبك دا مايستهلش ساعه حب عشان يسيبك مش تعيشي علي ذكراه لخمس سنين حرام عليكي وقتك وعمرك اللي بيروح علي الفاضي لشخص لو خير ليكي كان مازال موجود،ربنا يجبر بخاطرك ويعوض قلبك خير زي الخير اللي لسه جواكي" .

وعلق معجب آخر قائلاً:"ياريت بس يحس بيها ف الاخر،، ويكون يستاهل حبها" .

وعلق آخر:"انتى عايشة فى الوهم يا بنتى نصيحة من أخت متتعلقيش بحد انتى مش فى دماغه أصلا وتلاقيه عايش حياته بالطول وبالعرض شوفى حياتك وشوفى مستقبلك أفضل" .