بعد حرمانها 5 سنوات.. إسعاد يونس تكشف عن سبب تأخر حملها
استضافت الفنانة إسعاد يونس الفنان أحمد رزق، وذلك في برنامج "صاحبة السعادة" ودار الحديث بينهم عن الألعاب الإلكترونية وبدأة نشأتها، ووضحت تعلقها الشديد هي وزوجها بهذة الألعاب بطريقة مجنونة، والذي تسبب في تأخير إنجابها خمس سنين .
قالت "إسعاد"، "أنا أول ما أتجوزت، جوزي جابلي ألعاب وعروسة، وحاجات كدا، وبعدين راح داخل عليا بالأتاري، ورحنا مفضيين أوضة، وحطينا الأتاري، وقعد علمني شوية طبعا، هو عصبي جداً، وحمقي ويحمرق، أول لما أفكر أكسبة يقولي لا إنتي مش كسبانة ويحمرق، كام سنة خمس سنين عندنا جنون باللعبة".
وتابعت "يونس" قاعدين ما بنقمش من الـliving room وجنون باللعبة قاعدين خمس سنين ومش عارفين نخلف كان جنون باللعبة.. وتأخرنا خمس سنين عقبال ماجبنا "عمر" بسبب الأتاري .
وأضافت "إسعاد"، "وعزمنا أصحابنا وشخصيات كبيرة وإعلاميين محترمين كانو عاشقين للعبة مش عاوزه أقول إسمهم.. وناس محترمة نجوم وفنانين كبار كانو عيال جداً كلنا بنتحول لعيال قدام الألعاب دي".
واكملت "يونس"، حديثها "وأمي حبيبتي كانت لسه عايشه شفت أيام زمان لما البيت اللي كان فيه تليفيزيون الناس كلها تتجمع عندة.. وصينية السندوتشات نازلة وأمي تقعد تندب قاعدين على الأتاري نفسي أشوفلك عيل هتضيع عمرها علي الأتاري بتلعب بجنون وهو محدش يقدر يغلبة وأنت لو فكرت تكسب إرجع مكانك محدش يقدر".
