أحمد فلوكس ينفعل على الفنانين بسبب مصطفى حفناوي.. دلوقتي افتكرتوه ؟
انفعل الفنان أحمد فلوكس،عقب حذفه فيديو مهاجمته لهاني شاكر،وذلك من خلال فيديو لايف عبر حسابه على موقع التواصل الاجتماعي "فيس بوك".
وقال "فلوكس"، معبر عن استيائه بسبب ما تعرض له اليوتيوبر مصطفى حفناوي "انا متابعه بقالي ست سبع أيام محدش ذاره غير تامر حسني محدش عبره وهو مش لاقي مستشفى تستقبله علشان تعالجه، بقاله سبع أيام بيناشد الناس انه يخش مستشفى إنه يتعالج مسمعناش عن كل اللي كتبو عنه، كله الله يرحمه كله".
وتابع "فلوكس قائلا: "بما فيهم الأستاذ هاني شاكر هو قالك أنا معرفوش، بس قلبي وجعني طب وقلبك موجعكش لما كان في المستشفى، قلبك موجعكش لما كان مش لاقي مستشفى وعنده جلطة في مخه كفاية متاجرة بالبني آدمين كفاية، ماهو كان بقاله 6 أيام مش لاقي مستشفى تاخده محدش اتكلم إلا لما تامر حسني راح زاره".
وأضاف أحمد فلوكس قائلا: أستاذ هاني شاكر هو تامر حسني النقيب ولا انت اتقو الله،كنتو فين وهو يوتيوبر عايز يمثل مخليتوش يمثل ولا يبقا فنان ليه ولا لما مات افتكرتوه مش انتو زعلانين عليه أنا بطالب كل اللي كتب الله يرحمهإنه يروح يبنوله جامع باسمه طلاما انتو رجالة أوي كده قال الفنان هاني شاكر بينعي كنت فين وهو مش لاقي مستشفى انتو نوعيتكو ايه انتو بنتاجر بموت الناس أنت تعرفه منين انت أصلا علشان تنعيه".
