الرد الأول من ملحن أغنية"بحبك" بعد هجوم حلا شيحة على تامر حسني
حرص المطرب محمد سراج، وملحن أغنية"بحبك" على الرد بعد هجوم الفنانة حلا شيحة، على النجم تامر حسني، بسبب إذاعته للقطات رومانسية تجمعه بها بأغنية"بحبك" التي تم طرحها ضمن مشاهد فيلم"مش أنا" مما تسبب في إزعاجها وغضبها الشديد.
وكتب محمد سراج، على حسابه الخاص بموقع التواصل الاجتماعي"فيسبوك"،:"أستاذه حلا !! إحساسك ك إيه دلوقتي ومحدش مصدقك وطبعا عارفه محدش مصدقك ليه ؟؟ كان اكرملك تتبرأي وتتوبي من الفيلم بينك وبين ربنا، بس واضح إن الخناقه بينك وبين جوزك كانت كبيره وده بيأكد إن البوست مش اعلان توبتك إلى الله علي قد ماهو بصالحك ياجوزي".
واستكمل سراج،:" بين قوسين جوزك متجوزكيش وفاكرك مدرسه دراسات واتفاجئ بعد كده،، انتي غريبه ومتناقضه جداا الفيلم بقاله ٣ اسابيع بنفس المشاهد اللي حضرتك صورتيها بإرادتك بين قوسين اصلا مشاهد مش اوفر ده مش عشانك عشان دي طبيعه تامر ف افلامه وكليباته مفيش مشاهد اوفر،، بين قوسين برضه اللي واخده اجرك عليها،، هل اللي صورت المشاهد دي عفريت سيادتك ؟؟ هل اكتشفتي امبارح بس بعد نزول الكليب انه انتي ؟؟ الكليب ماهو الا مشاهد مجمعه من الفيلم".
وأضاف،قائلا،:" مشفناش الحرقه دي والتوبه دي والكلام ف تقاصيل مشاهد مضايقاكي ف افلامك اللي فاتت اللي بتتعرض علي التلفزيون، بتنصحي زمايلك ان الشهره عامياهم،، علي اساس ان توبتك كل اتنين وخميس اللي بتنشريها علي السوشيال ميديا دي ايه ؟ مش شهره ؟ حضرتك زيك زي اللي بيتاجرو بالدين، يحضرني مشهد اللي هو بيبقي ف الافلام ده ومكتوب وبعد مرور ٣ شهور؟ بتكون البطله اتطلقت ورجعت تاني وتمثيل تاني وتلبس تاني وتتصور تاني وتقول ظروف".
جدير بالذكر أن فيلم «مش أنا» يعرض بالسينمات في الوقت الحالي، وتدور قصة الفيلم حول مرض نادر يصيب به تامر حسني والذي يجسد دور "حسن"، حيث تربطه علاقة قوية جدًا بوالدته المريضة "سوسن بدر" ويحرص دائمًا على الجلوس معها أطول وقت ممكنًا ومراعاتها والعناية بها فهى محور حياته".
والفيلم قصة وبطولة تامر حسني، ويشاركه في البطولة كل من ماجد الكدواني،حلا شيحة، سوسن بدر، ومن إخراج سارة وفيق، ومن إنتاج حسام حسني وسينيرچي وسكاي ليميت أحمد دسوقي.
