تعليق صارم من حمو بيكا عقب سخرية الجمهور منه!
علق مؤدي المهرجانات حمو بيكا على ما تداوله رواد مواقع التواصل الاجتماعي عقب ظهور نتيجة الثانوية العامة حول عدم إتمام "بيكا" دراسته.
وكتب "بيكا" عبر حسابه على موقع التواصل الاجتماعي "فيسبوك" قائلا: " بتقولو عني جاهل ومش متعلم.. مع ان دي حاجة
انا عمري ما انكرتها ولا حتي خبيتها علي الناس
ومن يوم ما ربنا كرمني واتشهرت وبقي ليا جمهور
بس هرجع واقولكم تاني انها حاجة مكنتش بايدي
انت بقي يا "متعلم "
التعليم علمك انك تقعد تعاير الناس بعيوبها؟
التعليم علمك ان تفضل تتنمر علي خلق الله ؟
التعليم علمك انك مباح ليك الشتيمه في حد هو اقل منك في شئ؟
اكيد لا فمتجيش من ورا شاشه وكيبورد تعمل فيها عم الناصح
وانت اصلًا موركش حاجة تعملها !
انا متعلمتش ومنولتش الشرف الكبير ده
بس اتعلمت حاجات كتير في الدنيا انت متعلمتهاش لسه
اتعلمت احترم الكبير والصغير.. اتعلمت اشقي واتعب من صغري اتعلمت اني مغلطش في حد.. اتعلمت حاجات كتير جدًا في حياتي انت عمرك مهتتعلمها طول ما انت باصص للناس..!
فكر في كلامك كويس وكومنتاتك كويس قبل ما تكتبها
وقبل ما تقول انك متعلم افتكر انك في "تربيه وتعليم" يعني التربيه قبل التعليم".
وكان عمر كمال قد آثار الجدل عقب ظهور نتيجة الثانوية العامة حيث سخر من التعليم وأوضح أن الأموال أهم بكثير.
