أحمد فهمي:"محمد نور بيجيلي تورتة عليها صورتي وبيحتفل بيا بعد نجاح أي مسلسل"

حل أعضاء فريق واما، ضيوفًا فى الجزء الثانى من برنامج "معكم" الذي تقدمه الإعلامية منى الشاذلى  على قناة  CBC،و المذاع الساعة التاسعة مساءً.

 وكشف "واما" عن بدايتهم الفنية قائلا: " بقينا بنعمل موسيقي هادية وبسيطة زمان كان لا دلوقتي بقت شبابية كدة".

وقال “فهمي”:"الإختيار " كلمني فيه  بيتر ميمي وكان عايزني ضيف شرف بس كنت مربي دقني واعتزرت لاني كنت بعمل دور، بيتر ميمي محتوم جدا".

وأضاف فهمي:" كلمني في "الإختيار 2" ورحت عملته، وفرحت جدًا لما قالي أغلبية مشاهدي هتكون مع أحمد مكي لأن هو صحبي جدا، والإختيار أي حد يتمنى أن يظهر فيه ".

وتابع:" مشاهد الأكشن بتكون صعبة جدا، وخصوصًا القناصة، كل القناصة لازم يكونو بيفتحو عنيهم الأتنين لأن لو عين مفتوحة والعين التانية مقفولة دي في  المولد كدة، كلموني ناس وقالولي مينفعش أفتح عيني الأتنين في القناصة بس كدة غلط مش صح".

واختتم فهمي:" محمد نور أي مسلسل بعملو في رمضان وبينجح بيجيلي تورتة وعليها صورتي وبيحتفل بيه".

وطرح فريق "واما" أحدث أعماله الغنائية بعنوان "نجمة معدية" على موقع الفيديوهات "يوتيوب"، والتي حققت نجاحا كبيرا من حيث عدد المشاهدات، والأغنية من كلمات وألحان عزيز الشافعى فى التعاون الأول بينهم، ومن توزيع توما.