مي كساب تثير الجدل وتحذف صورها مع "أوكا": "شفت حقيقة اللي حواليا"

أثارت الفنانة مي كساب الجدل، خلال الساعات القليلة الماضية، وذلك بعدما حذفت صورها مع زوجها مطرب المهرجانات محمد صلاح الشهير بـ "أوكا".

وكانت شاركت الفنانة مي كساب جمهورها بوستر حكاية " عقبال عوضك" من مسلسل "زي القمر" عبر صفحتها الشخصية موقع التواصل الإجتماعي "فيس بوك".

وعلقت مي على الصورة قائلة: "الكام يوم اللي فاتو كانو أطول مدة أقعدها لوحدي في حياتي وبأعترف شفت الحقيقة الكاملة حقيقة نفسي حقيقه كل حاجه حواليه وعرفت قيمه كل حاجه وندمت علي كل لحظه ظلمت فيها نفسي أو ظلمت حد من اللي بأحبهم وبيحبوني".

وتابعت: "اللي بتكتب دلوقتي مي بس بتاعه 2010 بس بمخ العشرين سنه اللي إشتغلت فيهم ونجحت وأخفقت بسبب ظروف وأوضاع إتفرضت عليه بس الحمد لله راضيه تمام الرضا علي كل إبتلاء وكل مشكله إتحطيت فيها".

وأضافت "لأن في الآخر ربنا سبحانه وتعالي كان بيحلهالي في الاخر عشان أقدر نعمه، أنا عدي عليه ١١ سنة صعبين جدًا يمكن القريبين مني عارفين أنا إستحملت إيه وواجهت إيه أنا مسحت كل لحظة مش عاوزه أشوفها تاني".

وأكملت حديثها قائلة: "عشان بتفكرني إني كنت مش أنا وسببت كل لحظه وكل صوره بتعبر عني وعن اللي جوايا وعن أكتر حاجات مأثرة جوايا كفنانةوكإنسانة، ومسحت كل صوري العائليه ولو إن دي مش أنا لحد ما أرجع أنا وأسجل لحظاتي الحلوه مع عيلتي الجميلة أكبر نعمه من رب العالمين جوزي وأولادي وأهلي وأصحابي وزملائي رفاق الرحلة الأوفياء الصادقين".

وتابعت: "السند والضهر اللي خلاني أعرف أعدي ال ١١ سنه دول بأعترف عقبال عوضك كان عوضي الفني والإنساني بعد صبر ١١ سنة حبيت أفضفض معاكم وأطلع اللي في قلبي عشان دي أنا بأحكي اللي جوايا عشان نيتي بتكون إن اللي مريت بيه يكون مفيد لغيري ويتعلم منه حاجه تأثر فيه وتغيره للأحسن".

وأختتمت حديثها قائلة: "وبإذن الله العلي الكريم أنا هأرجع أنا وهأحارب وأقاوم كل روح شريرة وكل طاقه سلبيه أثرت عليه في السنين اللي فاتت وربنا يقدرني وأكون إنسانه صالحه وفنانه صاحبه رسالة وأكون خير في الدنيا بحبكم من قلبي وحقيقي حبكم ليه هوه الحياة".