عاجل.. خروج الفنانة نادية شكري من المستشفى
طمأنت رشا سامي العدل جمهورها على الحالة الصحية لوالدتها الفنانة نادية شكري المعروفة بدور سوسو في مسرحية "العيال كبرت".
وكتبت رشا، عبر حسابها الرسمي على فيسبوك: "الحمد والشكر لله، خروج أمي من المستشفى لاستكمال العلاج في المنزل، بفضل دعوات الأهل والأصحاب وبفضل الدكاترة المحترمين".
وتابعت" أوجه الشكر للدكتور أشرف زكي والوكيل الأخ والصديق العزيز إيهاب فهمي والجميلة الخدومة نهال عنبر اللي كانوا متابعين معايا حالة ماما كل ساعة أو اتنين ولا أنسي أبدا وقفة أختي الحبيبة نشوى مصطفي وسؤال الغالية وفاء عامر وحبيبتي طنط راوية سعيد وأحمد صيام ورشا سامي ونسرينا وصبري عبد المنعم ومحمود عامر ونص فنانين مصر اللي لم أذكر اسمهم سامحوني أنا ماكنتش مركزة بجد وروحي كانت ضايعة مني.
واستكملت" اشكر أعمامي فرد فرد ل اهتمامهم ووقوفهم جمبي وعمتي روح قلبي اللي عمري ما لجأت لها وخذلتني وأخويا الجميل خالد وأصحابي الجدعان سواء من الوسط أو خارجه واقاربنا وكل محبين أمي اللي دعواتهم غرقت صفحتي وجميع المواقع"
واختتمت "زي ما فاكره الجدعان مش هانسي أبدا الأندال اللي ياما انا شخصيا كنت جدعة معاهم ووقفت جمبهم ولكن استكتروا حتي مكالمة.. فعلا الناس بتبان في المواقف الصعبة".
