زوج منة عرفة لمحمد نجاتي: "انت بتستغلها عشان بنت محترمة".. ويوضح حقيقة تسببه في انفصالهم
خرج محمود المهدي، زوج الفنانة منة عرفة، بعدة فيديوهات نشرها عبر حسابه الرسمي على موقع تبادل الصور والفيديوهات الشهير "إنستجرام" يوضح من خلالهم حقيقة تسبب الفنان محمد نجاتي، والمشهد الذي جمعه بزوجته قائلًا: "مكنتش حابب أتكلم، بس الموضوع أخد أكبر من حقه، بيتقال إن في مشهد أنه هيتقاس نبض أيد منة، وهو ده اللي تسبب في الانفصال وده غير صحيح".
وأضاف المهدي "المشهد كان عبارة إنه ا هتتشال، وهي رفضت إنه ا تتشال، وهى رافضة من الأول، ودايما بنتكلم مع المخرج إن مفيش مشاهد بوس ولا مشاهد أحضان، وهى حاطه قواعد زي أي فنانة محترمة عندها قواعد، مش لازم نوصل الفن بطريقة وحشة، ممكن نوصل الفن بطريقة محترمة، وإحنا في مجتمع شرقي لازم نراعي ده، مكنش بسبب الموضوع ده".
ونشر محمود المهدي عبر خاصية الإستوري عبر حسابه الرسمي على موقع تبادل الصور والفيديوهات الشهير "إنستجرام" في رسالة إلى الفنان محمد نجاتي، قائلًا: "من دون ذكر أسماء فنانات كتير لا كانو بيتحضنوا ولا بيتشالوا ولا بيلبسوا روب نوم مع كدة عملوا دراما انت متقدرش تعمل جزء منها".
وأضاف: "وعملوا ازواج واخوات باحترام ولا نسيت اننا في مجتمع شرقي هو البنت المحترمة مبقاش ينفع تشتغل ولا علشان بنت لازم نستغلها في أي حاجة وصلنا لمرحلة صعبة بجد".
ومن الجدير بالذكر أن محمود المهدى أعلن مؤخرا انفصاله عن منة عرفة مبررا ذلك بأنه "رجل صعيدي ويرفض بعد التجاوزات في عملها كممثلة"، قبل أن يعلن عودتهما مجددا.
