إلهام شاهين تكشف تفاصيل تعرضها للسرقة في فرنسا مع هالة صدقي

استضاف الفنان أمير كرارة، الفنانة إلهام شاهين وهالة صدقي والإعلامية لينا شاكر، في حلقة خاصة من برنامج “سهرانين” والمذاع على قناة “ON”.

وسردت إلهام شاهين حكايات جمعتها بـ هالة صدقي قائلة: "هي هالة صدقى فضحتنى وحكت، القصة وما فيها هالة مش منظمة ومش بتحط الحاجة في مكانها وكنا سافرنا فرنسا وقاعدين في غرفة سوا، عشان نوفر فلوس".

وتابعت إلهام شاهين: “المهم أنا عاملة نفسى ناصحة وبشيل كل حاجة معايا، وفى يوم كنا نازلين نعمل شوبينج وأخدت فلوس وأخدت البطاقة الائتمانية الخاصة بها وقلتلها متقلقيش لحسن تقع منك، ودخلنا المحل وكان عامل تخفيضات واشترينا حاجات كتير جدا، وجيت أحاسب لقيت الشنطة مفتوحة ولقيت المحفظة اتسرقت ومفيش معانا لا فلوس ولا فيزا، واستكملت: ”المهم هالة صدقى كان معاها شوية فلوس قليلة في الغرفة وكان مشكلتنا كلها في الأكل لأن كدة كدة حاجزين تذاكر الطيران للعودة، فأنا بحب جدا الكريز وكل يوم باكل كيلو، فقلتلها يا هالة هاتيلى كيلو كريز راحت قايلالى هو ربع كيلو مفيش غيره".

ووقالت هالة صدقي: "قابلنا سناء منصور وإيناس الدغيدى هناك ورغم إنهم أصدقائنا مقلناش واتكسفنا، وكانوا حابين يعزومنا على بيتزا وقلنا كويس أهو نوفر وجبة، وإلهام لقيتها مصممة إنها تدفع وتقولهم انتوا ضيوف عندنا، وأبص لها وأقولها خلاص هما مصممين ودى لا يمكن واضطرينا نعزمهم".