تامر فرج يعلن إصابته بإنزلاق غضروفي
أعلن الفنان تامر فرج، إصابته بانزلاق في الغضروف خلال تصوير مسلسله الآنسة فرح، مشيرًا إلى أن وعكته الصحية سبب تأخره في إعلان رأيه في احتفالية افتتاح طريق الكباش حتى أنه لم يستطع أن يشاهدها في نفس توقيت عرضها وذلك عبر حسابه على “ فيسبوك”
وكتب تامر فرج معلقا: تأخرت في إعلان رأيي في احتفالية افتتاح طريق الكباش لأني للأسف ماشفتهاش يومها لأن في نفس التوقيت دكتور العلاج الطبيعي كان بيعمل احتفالية في ضهري لإصابتي بانزلاق غضروفي أثناء الانتهاء من تصوير الآنسة فرح"
وأضاف:"أنا لما بيحصلى إصابات أو أمراض مابحبش أقول وانشر على السوشيال ميديا عشان الحاجات دي بتتنظر.
وتابع: المهم كان لازم استنى واتفرج على الاحتفالية عشان أقول رأيي الحقيقي وماكتبش أي حاجة وخلاص بناء على كلام الآخرين، والحمدلله أقدر أقول أني فخور جدا جدا ببلدي وبتراثها وبولادها وانبهرت باللي إحنا نقدر نعمله لما بيبقى لينا مزاج وإرادة حقيقة.
واختتم: دلوقتى الواحد مش بس فخور بماضي بلده العريق لأ ده كمان يقدر يقول أنه دلوقتى فخور بحاضر بلده المنبئ بمستقبل مشرق، مختتمًا: تحية لكل عقل خطط وكل إيد نفذت ويا ريت الاحتفالية دي تتكرر كل سنة وتبقى موسم سياحي زي رأس السنة والأعياد "
