إيمان الحصري تكشف عن اللحظات الأولى بعد خروجها من المستشفى

كشفت الإعلامية إيمان الحصري، عن تفاصيل اللحظات الأولى بعد خروجها من المستشفى.

وقالت إيمان الحصري، خلال حوارها في برنامج "صاحبة السعادة"، مع الفنانة والإعلامية إسعاد يونس، الذي يُعرض على شاشة "dmc": "عندما بدأت في التحرك قليلًا بعد تحسن حالتها عقب تعرضها لوعكة صحية، قدمت طلبًا لمستشفى وادي النيل بالخروج بإذن لمدة 24 ساعة أو 48 ساعة فقط".

وأضافت إيمان الحصري: "كانت أحسن لحظة في حياتي، أول ما ركبت العربية كانت لحظة فرح، عملنا فرح داخل العربية، مكنتش مصدقة نفسي، ولا كنت متوقعة إني أقوم من هذه الوعكة الصحية، لأني رغم إني كان عندي أمل في إن حالتي ستستجيب للعلاج، جات لحظات كده أني خلاص تعبت وقولت كفاية".

وتابعت إيمان الحصري: "عرفت قيمة الزحمة، لأني كنت مبسوطة وأنا شايفة العربيات وشايفة الناس، دخلت البيت فرحت أوي مع إني كنت بروح البيت كل يوم قبل مرضي، نمت في سريري، ودخلت حمامي، وشميت ريحة تانية غير رائحة المستشفى، قلت الحمد لله رب العالمين".

واختتمت: "رجعت المستشفى وأنا بعيط، بس كان لازم أروح المستشفى عشان أكمل العلاج، فكرت في السفر للخارج، عشان محتاجة أخذ فرصة بره، وبدأنا نسأل أكتر من مكان، لكن حظي كان كويس أني عندي أصحاب فاهمين".