"بلاش نكبر المواضيع".. بسمة وهبة تنصح شيرين بالعودة لحسام حبيب

وجهت الإعلامية بسمة وهبة للفنانة شيرين عبد الوهاب، رسالة لها حول علاقتها بحسام حبيب عقب انفصلاهم.

وقالت بسمة وهبة من خلال حلقتها في برنامج “90 دقيقة": “شيرين ست حساسة عايشة بفطرتها وسجيتها واتكلمت وحكت عن زعلها الشديد على قد الحب اللي جواها، واعترفت أنها تحبه، وأحب أقولكم كمان حسام بيحب شيرين، ومش معنى إنه مطلعش يتكلم عن اتهامات البعض له من الناس اللي بتزيط في الزيطة يبقى كلامهم صح”.

وتابعت قائلة: “حسام يقدر يدخل في أي وقت، لكنه مش عاوز مشاكل عشان بيحب شيرين وعاوز يسيب لشيرين مساحة تطلع اللي جواها.. ليه نحكم على هذا الحب بالإعدام ونتسرع ونقول إنها مينفعش ترجع وكل واحد يقول رأيه ولو إحنا بنحب شيرين ونقولها خدي وقتك وواجهي مشاكلك واقعدي معاه، انتي ياما أحاسيسك ومشاعرك وصوتك صالحوا ناس على ناس، ومن حق شيرين علينا النهاردة نقولها شوفي سعادتك فين وبلاش نفتح المواضيع ونكبرها عليها".