تامر حسني:"حفلة جامعة مصر  للتاريخ لأسباب كتير"

علق النجم تامر حسني، على نجاح حفل أمس بجامعة مصر للعلوم والتكنولوچيا، مؤكدًا على أنه حفل للتاريخ وذلك عبر حسابه الرسمي على موقع التواصل الاجتماعي “فيسبوك”. 

ونشر حسني، صور من الحفل وعلق عليها قائلًا:" حفلة جامعة مصر هي فعلًا حفلة للتاريخ لأسباب كتير هي مكانتش حفله هي كانت تحدي من كل العناصر اللي اشتغلت فيها إننا نحقق أرقام عالمية لأول مرة تحصل، ولأن عرض المسرح كان ٧٠ متر ونفذه المهندس المتميز تامر فوزي والشاشات المستخدمة ٧٠ متر ونفذها المبهر وليد الحريري ولأول مرة بقدم تقنية الهولوجرام  مع العباقره فايز اباظه ومحمد محفوظ وطبعًا مساحات خياليه زي دي للأمانة أي مهندس صوت كنت بقوله عليها كان بيخاف ويقولي مستحيل ولكن عملاق زي المهندس عماد نبيل ميعرفش مستحيل هو وفريقه المهندسين المتميزين أحمد عبد القادر وعمرو خيري". 

وأضاف قائلًا:" أما بقى أحمد عصام فهو فعلًا كان بيتعامل مع الحدث إنه افتتاح كاس عالم عشان هو فنان استثنائي في مجاله كسر كل القواعد والأرقام 
كانت أصعب حفلات حياتي كنت بغني وبلف على كل أرجاء استاد الكورة عشان اوصل لكل الناس على قد ما اقدر يعني كنت بلف التراك بغني لمدة ساعتين متواصل من حماس وتركيز مستني تصوير الحدث دا من المتميز استاذ ألفي وبشكر نادين وفريقها الإستعراضي الرائع وشركة الأمن أحمد فخامه المتميز اللي تعب جدًا جدًا هو فريقه عشان العدد الأسطوري دا وطبعًا كل الشكر لتأمين رجال الداخليه اللي سهروا يومين يحضروا في التأمين الشامل بكل مداخل ومخارج الجامعه والمنطقه كلها". 

واختتم حديثه قائلًا:" شكرًا فريق عملي وفرقتي اخواتي حبايب قلبي اللي استجابوا لكل فكرة قولتها ونفذوها في اجمل لوحه شكرًا أستاذ محمد فوده على حماسك في كل كلمه اللي كنت حاسه حماس اب لإبنه،كل الشكر لطلاب الجامعه على الرقي والتنظيم والروح العظيمه اللي شوفتها منهم ومستني تطمنوني على درجات أعمال السنة اللي طلبتهالكم لإنكم تستاهلوا، شكرًا ضيوف الجامعه الكرام شكرًا جامعة مصر العريقه أستاذ خالد الطوخي".